०५ साउन २०८३, मंगलबार
चुनावमा पार्टी पराजयको प्रारम्भिक समीक्षा तथा पार्टी सभापति गगन थापाले दिएको राजीनामाबारे छलफल गर्न नेपाली कांग्रेस केन्द्रीय समितिको बैठक शुरू भएको छ ।
राजीनामा गरेका पार्टी सभापति थापा अनुपस्थित भएपछि उनको कुर्सी खाली राखेर बैठक शुरू भएको हो । बैठकको अध्यक्षता उपसभापति विश्वप्रकाश शर्माले गरेका छन् ।
पार्टी केन्द्रीय कार्यालय सानेपामा जारी बैठकका लागि २ एजेन्डा तय भएको सहमहामन्त्री उदयशमशेर जबराले जानकारी दिए । चुनावको प्रारम्भिक समीक्षा र सभापतिको राजीनामाबारे आज छलफल हुने उनले बताए ।
चुनावको विस्तृत समीक्षा भने उम्मेदवारको रिपोर्ट आएपछि २ सातापछि गरिने जबराले जानकारी दिए ।
महामन्त्री गुरूराज घिमिरेले कांग्रेस बैठकले १५ औं महाधिवेशनको मिति तय गर्ने जानकारी दिए ।
१५ औं महाधिवेशन नभएपछि गगन–विश्वप्रकाशले पुस २८ गते विशेष महाधिवेशन बोलाएका थिए ।
विशेषबाट नेतृत्व परिवर्तन गरेर चुनावमा गएको कांग्रेसले पराजय व्यहोरेपछि सभापति थापाले राजीनामा गरेका थिए ।
कांग्रेस बैठक भोलिसम्म चल्ने महामन्त्री घिमिरेले जानकारी दिए ।
