०६ असार २०८३, शनिबार
इरानी सर्वोच्च नेता मोज्तबा खामेनीले टर्की र ओमानका केही क्षेत्रहरूमा गरिएका आक्रमणहरू इरानले नगरेको दाबी गरेका छन् । नौ पृष्ठ लामो सन्देशमा उनले इरान आफ्ना पूर्व छिमेकीहरुलाई निकै नजिकको मान्ने गरेको बताएका छन् ।
फारसी नयाँ वर्षको अवसरमा उनले जारी गरेको सन्देश सरकारी टेलिभिजनमा पढेर सुनाइएको थियो । भने उनले पाकिस्तानलाई आफ्ना पिता अली खामेनीको विशेष रूपमा मनपर्ने देश भनेर वर्णन गरे।
पाकिस्तान र अफगानिस्तानबीचको सम्बन्ध सुधार गर्न उनले आह्वान गरे ।
'टर्की र ओमानका केही क्षेत्रहरूमा गरिएका आक्रमणहरू, जससँग हाम्रो राम्रो सम्बन्ध छ, कुनै पनि हिसाबले इस्लामिक गणतन्त्रको सेना वा प्रतिरोध मोर्चाको सेनाले गरेका थिएनन्,' उनले भनेका छन् ।
उनले इजरायलले इरान र उसका छिमेकीहरूबीच फाटो ल्याउन षड्यन्त्र गरिरहेको आरोप लगाए।
इरानले १९८० को दशकपछि पहिलो पटक युद्धको समयमा फारसी नयाँ वर्ष नौरोज मनाउँदैछ ।
