मध्यपूर्वमा जारी द्वन्द्वका कारण ऊर्जाको मूल्य वृद्धि र आपूर्ति शृङ्खलामा अवरोध आए पनि भारत विश्वकै तीव्र आर्थिक वृद्धि भइरहेका प्रमुख अर्थतन्त्रहरूको सूचीमा कायमै रहने देखिएको छ । विश्व बैंकको पछिल्लो आर्थिक प्रतिवेदनअनुसार आर्थिक वर्ष २०२७ का लागि भारतको आर्थिक वृद्धि दर ६.६ प्रतिशत रहने प्रक्षेपण गरिएको छ।

विश्व बैंकद्वारा सार्वजनिक 'इन्डिया डेभलपमेन्ट अपडेट'का अनुसार बाह्य चुनौतीहरूका बाबजुद भारतको बलियो समष्टिगत आर्थिक जग र नीतिगत सन्तुलनले अर्थतन्त्रलाई केही हदसम्म सुरक्षित राखेको छ। भारतसँग रहेको पर्याप्त विदेशी मुद्रा सञ्चिति, न्यून मुद्रास्फीति, र व्यापार विविधीकरणका प्रयासले विश्वव्यापी संकटको समयमा पनि उत्थानशीलता प्रदान गरेका छन् ।

विश्व बैंकका कार्यवाहक निर्देशक पल प्रोसेले भने, 'निजी क्षेत्रको नेतृत्वमा हुने विकासले आर्थिक लचिलोपन बढाउन र युवाहरूलाई रोजगारी प्रदान गर्न मद्दत गर्नेछ।' प्रतिवेदनले दक्षिण एसियाको औसत वृद्धि दर सन् २०२६ मा ६.३ प्रतिशत रहने अनुमान गरेको छ, जुन सन् २०२७ मा पुनः ६.९ प्रतिशत पुग्ने अपेक्षा छ।