२७ असार २०८३, शनिबार
भारतका लागि नेपाली राजदूत डा. शंकर शर्माले कार्यकाल छोट्याएर फर्किने संकेत गरेका छन् ।
रास्वपाको नेतृत्वमा नयाँ सरकार बनेसँगै पुरानो सरकारको पालामा नियुक्ति लिएका शर्माले आफ्नो अवधि पूरा हुन लागेको सामाजिक सञ्जालमा लेखेका छन् ।
‘पछिल्ला दिनमा साथीहरूसँगको भेटघाट झन् बढ्दै गएको छ, किनकि उनीहरूलाई थाहा छ कि यहाँ मेरो समय अब अन्त्यतिर पुगेको छ’, शर्माले सामाजिक सञ्जालमा केही तस्वीर राख्दै लेखेका छन ।
दिल्लीमा कूटनीतिक कोरका डिनले आयोजना गरेको हाइटीमा उनी सहभागी भएका थिए ।
‘मेरो समय अन्त्यतिर पुगेको छ’ भन्दै उनले कार्यकाल सकिन लागेको संकेत गरेका हुन् । नयाँ सरकार बनेपछि रास्वपा नेताहरूले पुरानो राजनीतिक नियुक्ति लिएकालाई मार्ग प्रशस्त गर्न आग्रह गरिररहेका छन् ।
नेपाली कांग्रेस र नेकपा एमाले मिलेर बनेको केपी शर्मा ओली नेतृत्वको सरकारले भारतका लागि राजदूत नियुक्त गरेका शर्माले राजदूतबाट फिर्ता हुन लागेका संकेत दिएका हुन् ।
२०८१ पुस ३ गते उनी दोस्रो पटक भारतको लागि राजदूत नियुक्त भएका थिए । कतिपय देशका राजदूतलाई सुशीला कार्की नेतृत्वको अघिल्लो सरकारले फिर्ता गरिसकेको छ ।
Get-togethers with friends have become more frequent in recent days, as they know my time here is drawing to a close.
— Dr. Shankar P Sharma (@DrShankarSharma) April 23, 2026
The hi-tea gathering was organized by the Dean of the Diplomatic Corps and attended by the Chief of Protocol, and ambassadors. 🇳🇵🤝🇮🇳 pic.twitter.com/smXxvTLE0p
