०६ साउन २०८३, बुधबार
अनुभवी खेलाडी भीम सार्कीले एकदिवसीय अन्तर्राष्ट्रिय क्रिकेटमा एक हजार रनको कोशेढुङ्गा पार गरेका छन् ।
२४ वर्षीय भीमले आईसीसी क्रिकेट विश्वकप लिग–२ अन्तर्गत बुधबार कीर्तिपुर मैदानमा जारी ओमानविरुद्धको खेलमा यो उपलब्धि हासिल गरेका हुन् ।
ओमानविरुद्धको खेल अगाडि भीमले एकदिवसीय अन्तर्राष्ट्रिय क्रिकेटमा ३७ खेल खेल्दै कुल नौ सय ९५ रन बनाएका थिए ।
ओमानविरुद्धको खेलमा उनले २८ रन बनाए । उनको कुल रन एक हजार २३ पुगेको छ । उनले एकदिवसीय अन्तर्राष्ट्रियमा एक शतक र चार अर्धशतक प्रहार गरेका छन् ।
यो ढाँचाको क्रिकेटमा उनको उच्च स्कोर भने अविजित एक सय एक रन हो ।
उनले सन् २०२२ को मार्च २२ तारिखमा पपुवा न्यू गिनीविरुद्ध खेल्दै एकदिवसीय अन्तर्राष्ट्रियमा ‘डेब्यू’ गरेका थिए ।
