२६ जेठ २०८३, मंगलबार
दाङमा १४ वर्षीया बालिकालाई जबर्जस्ती करणी गरेको आरोपमा एक जना पक्राउ परेका छन् ।
पक्राउ पर्नेमा सल्यानको कपुरकोट गाउँपालिका-४ बस्ने २० वर्षीय उदिम प्रसाद बुढामगर छन् । उनलाई प्रहरीले बुधबार दिउँसो पक्राउ गरेको हो ।
उदिमले ती बालिकालाई जबर्जस्ती करणी गरेको भन्ने उजुरीको आधारमा इलाका प्रहरी कार्यालय तुलसीपुरबाट खटिएको प्रहरीले उनलाई पक्राउ गरेको हो ।
यसैबीच, जुम्लामा २८ वर्षीया महिलालाई जबर्जस्ती करणी गरेको आरोपमा पातारासी गाउँपालिका-५ जफना गाउँ बस्ने ४१ वर्षीय दत्तबहादुर बुढा पक्राउ परेका छन् ।
दत्तबहादुरले ती महिलालाई जबर्जस्ती करणी गरेको भन्ने उजुरीको आधारमा जिल्ला प्रहरी कार्यालय जुम्लाबाट खटिएको प्रहरीले उनलाई बुधबार पक्राउ गरेको हो ।
दुवै घटनाका विषयमा आवश्यक अनुसन्धान भइरहेको प्रहरीले जनाएको छ ।
