२६ जेठ २०८३, मंगलबार
प्युठानमा मारुती भ्यान दुर्घटना हुँदा दुई जनाको मृत्यु भएको छ ।
शुक्रबार दिउँसो जिल्लाको माण्डवी गाउँपालिका–१ डाम्रीखोला नजिकै देवीस्थान–दाङ सडकखण्डमा लु.प्र.०२००१ ज ०१०४ नम्बरको भ्यान दुर्घटनामा परेको थियो ।
उक्त दुर्घटनामा दुई जना पुरुषको मृत्यु भएको जिल्ला प्रहरी कार्यालय, प्युठानका सूचना अधिकारी, प्रहरी निरीक्षक हरि भट्टराईले जानकारी दिए ।
मृतकको पहिचान खुल्न सकेको छैन । दुर्घटनाबारे थप अनुसन्धान भइरहेको प्रहरी निरीक्षक भट्टराईले जानकारी दिए ।
