२४ जेठ २०८३, आइतबार
नेपाली राष्ट्रिय टोलीका प्रभावशाली लेग–स्पिनर सन्दीप लामिछानेले एकदिवसीय अन्तर्राष्ट्रिय क्रिकेटमा गजबको कीर्तिमान बनाएका छन् ।
कीर्तिपुर अन्तर्राष्ट्रिय क्रिकेट मैदानमा जारी आईसीसी क्रिकेट विश्वकप लिग–२ शृंखलाअन्तर्गत स्कटल्यान्डविरुद्धको खेलमा उनले नयाँ कीर्तिमान बनाएका हुन् ।
२५ वर्षीय सन्दीप एकदिवसीय अन्तर्राष्ट्रिय क्रिकेटमा सबैभन्दा कम खेलमा एक सय ५० विकेट लिने खेलाडी बनेका हुन् ।
सन्दीपले ७३ एकदिवसीय अन्तर्राष्ट्रिय खेल्दै यो कीर्तिमान आफ्नो नाममा पारे । उनले अस्ट्रेलियाका प्रभावशाली क्रिकेटर मिचेल स्टार्कको कीर्तिमान तोडेका हुन् ।
स्टार्कले भने ७७ एकदिवसीय अन्तर्राष्ट्रियमा एक सय ५० विकेटको कोशेढुङ्गा पार गरेका थिए ।
