अख्तियार दुरुपयोग अनुसन्धान आयोगले सरकारी साक्षी स्याङ्जाको फेदीखोला गाउँपालिका वडा नम्बर ३ का दीपक थापाविरुद्ध भ्रष्टाचार मुद्दा दायर गरेको छ ।

भ्रष्टाचार र सम्पत्ति शुद्धीकरण कसुरको मुद्दामा सरकारी साक्षीका रूपमा पेश गरिएका थापाले प्रतिकूल बकपत्र गरेपछि उनीविरुद्ध मंगलबार विशेष अदालतमा मुद्दा दायर गरिएको आयोगका प्रवक्ता सुरेश न्यौपानेले जानकारी दिए ।

आयोगले उनीविरुद्ध मुख्य कसुरदार सरह नै ३० लाख २० हजार रुपैयाँ बिगो कायम गरेर कैद र बिगो बमोजिम जरिवानाको मागदाबी गरेको छ ।