२७ जेठ २०८३, बुधबार
सर्वोच्च अदालतले मेडिकल व्यवसायी दुर्गा प्रसाईंलाई हिरासतमा राख्नुको कारण माग गर्दै सरकारका नाममा 'कारण देखाऊ आदेश' जारी गरेको छ ।
जिल्ला प्रहरी परिसर भक्तपुरको नियन्त्रणमा रहेका प्रसाईंलाई गैरकानूनी रूपमा थुनामा राखिएको भन्दै दायर गरिएको बन्दीप्रत्यक्षीकरण रिटमाथि सुनुवाइ गर्दै अदालतले यस्तो आदेश गरेको हो ।
सर्वोच्च अदालतका न्यायाधीश महेश शर्मा पौडेलको एकल इजलासले आज उक्त आदेश गरेको हो ।
आदेशमा भनिएको छ, ‘निवेदकको माग बमोजिम आदेश किन जारी हुनु नपर्ने हो ? आदेश जारी हुनु नपर्ने भए सोको आधार र कारणसहित बाटोको म्यादबाहेक सूचना म्याद पाएका मितिले २४ घण्टाभित्र महान्यायाधिवक्ताको कार्यालयमार्फत् लिखित जवाफ पेश गर्नू ।’
प्रसाईंका तर्फबाट अधिवक्ता आशिष लुइँटेलले बन्दीप्रत्यक्षीकरणको रिट दायर गरेका थिए ।
अदालतले विपक्षी जिल्ला प्रहरी कार्यालय भक्तपुरलाई सूचना पठाउनुका साथै आगामी पेशीमा बहसका लागि सरकारी वकिल उपस्थित हुँदा अनुसन्धानसँग सम्बन्धित सक्कल फाइलसमेत साथै पेश गर्न महान्यायाधिवक्ताको कार्यालयलाई जानकारी गराउन आदेश दिएको छ ।
प्रसाईं केही दिनअघि पक्राउ परेका थिए ।
यस्तो छ आदेश :
