०३ असार २०८३, बुधबार
ललितपुरको गोदावरी नगरपालिका- १४ ठैबमा आफ्नै घरमा रहेको पानी ट्यांकीमा डुबेर महिलाको मृत्यु भएको छ ।
६५ वर्षीया सानुनानी महर्जनको सोमबार साँझ मृत्यु भएको प्रहरीले जनाएको छ ।
ट्यांकीमा पानी हेर्ने क्रममा खस्न गई डुबेर अशक्त भएकी उनको पाटन स्वास्थ्य विज्ञान प्रतिष्ठान अस्पताल लगनखेलमा उपचारको क्रममा मृत्यु भएको हो ।
थप अनुसन्धान भइरहेको प्रहरीले जनाएको छ ।
