२८ जेठ २०८३, बिहीबार
सरकारले बैंकिङ क्षेत्रमा बढ्दो खराब कर्जा तथा गैरबैंकिङ सम्पत्तिको व्यवस्थापन गर्न पुस मसान्तसम्म ‘राष्ट्रिय सम्पत्ति व्यवस्थापन कम्पनी’ स्थापना गर्ने घोषणा गरेको छ ।
संघीय संसद्अन्तर्गत प्रतिनिधिसभा र राष्ट्रिय सभाको संयुक्त बैठकमा शुक्रबार आर्थिक वर्ष २०८३/०८४ को बजेट प्रस्तुत गर्दै अर्थमन्त्री डा. स्वर्णिम वाग्लेले बैंकिङ क्षेत्रको खराब कर्जा र गैरबैंकिङ सम्पत्तिको प्रभावकारी व्यवस्थापनका लागि विशेष कानूनी अधिकारसहित उक्त कम्पनी स्थापना गरिने बताएका हुन् ।
बजेट वक्तव्यअनुसार बैंकिङ क्षेत्रमा बढ्दो खराब कर्जा तथा गैरबैंकिङ सम्पत्ति व्यवस्थापनलाई व्यवस्थित र प्रभावकारी बनाउन ‘राष्ट्रिय सम्पत्ति व्यवस्थापन कम्पनी’ स्थापना गर्ने व्यवस्था गरिएको हो ।
अर्थमन्त्री वाग्लेले कम्पनीलाई आवश्यक विशेष कानूनी अधिकार प्रदान गरिने तथा आगामी पुस मसान्तभित्र स्थापना प्रक्रिया सम्पन्न गरिने जानकारी दिए ।
