१२ असार २०८३, शुक्रबार
१६ वर्षीया बालिका बलात्कार गरेको आरोपमा बर्दियामा एक जना पक्राउ परेका छन् ।
पक्राउ पर्नेमा राजापुर नगरपालिका–३ सेन्द्रा निवासी ५५ वर्षीय बाधुराम थारू रहेका छन् ।
बाधुरामले ती बालिकामाथि जबर्जस्ती करणी गरेको भन्ने उजुरीका आधारमा इलाका प्रहरी कार्यालय राजापुरबाट खटिएको प्रहरी टोलीले उनलाई बुधबार साँझ पक्राउ गरेको हो ।
घटनाबारे थप अनुसन्धान भइरहेको प्रहरीले जनाएको छ ।
