२७ असार २०८३, शनिबार
काठमाडौंको गोकर्णेश्वर नगरपालिका–४ माकलबारीमा अक्सिजन ग्यास सिलिन्डर र फायर एक्स्टिङ्ग्विसर विस्फोट हुँदा एक पैदलयात्रीको मृत्यु भएको छ ।
आज बिहान करिब साढे १० बजेतिर माकलबारीस्थित सडकमा ग्यास सिलिन्डर र फायर एक्स्टिङ्ग्विसर विस्फोट हुँदा बागलुङ घर भई हाल गोकर्णेश्वर नगरपालिका–८ माकलबारी बस्ने ४१ वर्षीय विष्णु थापाको निधन भएको प्रहरीले जनाएको छ ।
प्रहरीका अनुसार विस्फोटमा घाइते भएका उनलाई उपचारका लागि नेपाल मेडिकल कलेज, लैजाँदै गर्दा बाटोमै मृत्यु भएको हो ।
सिन्धुपाल्चोक पाँचपोखरी थाङपाल गाउँपालिकाको गाडीमा लोड गरिएको सामग्री विस्फोट भएको हो ।
