२९ असार २०८३, सोमबार
काठमाडौं, १५ असार – फूटबल विश्वकपमा दक्षिण कोरियाले जर्मनीविरुद्ध जीत हासिल गरेपछि अमेरिकास्थित स्पेनी भाषाको टीभी नेटवर्क टेलीमुन्डोका दुई प्रस्तोतालाई जातीय विभेद हुने गतिविधि गरेका कारण बर्खास्त गरिएको छ ।
दक्षिण कोरियाले उक्त खेल जितेपछि मेक्सिको अर्को चरणमा पुग्न सफल भएको थियो ।
सेटमै खुशी मनाउने क्रममा दुई प्रस्तोताले आँखालाई हातले तानेर चिम्से देखाउन खोजेका थिए ।
ट्विटरमा मेक्सिकाली समर्थकहरूले पनि दक्षिण कोरियालाई धन्यवाद दिनका लागि त्यस्तै गरेका थिए ।
सामाजिक सञ्जाल प्रयोगकर्ताहरूले यो जातिभेद भएको भनी आलोचना गरेपछि धेरै मेक्सिकालीहरूले माफी मागेका थिए ।
जर्मनी हारेपछि मेक्सिको अन्तिम १६ मा जान पायो अपन मेक्सिकालीहरूले चर्को खुशियाली मनाए । यसक्रममा उनीहरू मेक्सिकोस्थित कोरियाली कन्सुलर जेनरललाई पनि काँधमा राखेर घुमाए ।
यसले गर्दा कोरियालीहरू पनि खुशी भए तर पछि मेक्सिकाली समर्थकहरूले कोरियालीहरूलाई धन्यवाद दिन छेउतिर आँखा तानेपछि चाहिँ वातावरण बिग्रियो । यसरी आँखा तान्नु जातिभेदी संकेत मानिन्छ ।
त्यसपछि कोरियाली समर्थकहरूले ह्याशट्याग रेसियलडिस्क्रिमिनेसन प्रयोग गरी आफ्नो क्रोध व्यक्त गर्न थाले ।
बीबीसीबाट
