२९ असार २०८३, सोमबार
काठमाडौं, १९ असार – ब्राजिल तथा पेरिस सेन्ट जर्मेनका स्टार नेयमारलाई खरिद गर्न कीर्तिमानी रकम अफर गरेको भन्ने खबरको रियल खण्डन गरेको छ ।
एक स्पेनिस टेलिभिजनले नेयमारलाई खरिद गर्न रियलले पीएसजीसामु ३१० मिलियन युरोको प्रस्ताव गरेको खबर प्रकाशन गरेको थियो ।
यस्तो खबरमा कुनै सत्यता नरहेको रिययलले प्रस्ट पारेको छ ।
नेयमार हाल विश्वकप खेल्न रुसमा छन् । ब्राजिलका लागि सोमबार मेक्सिकोसँग खेलेको खेलमा उनले १ गोल र एक एसिस्ट गरेका थिए ।
नेयमार गत सिजन बार्सिलोनाबाट कीर्तिमानी मूल्य (२२२ मिलियन युरो) मा पीएसजी गएका हुन् ।
उनी पीएसजीमा खुशी नरहेको र स्पेन फर्कन चाहेको हल्ला चल्दै आएको छ ।
