कात्तिक २५, २०८०
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
भदौ ५, २०७५
काठमाडौं –‘हामीलाई नक्कली भिसा र नक्कली टिकट देखाएर ठगियो । फोन गरेर म्यानपावरवालालाई बोलाइदिनुस् न सर !’
वैदेशिक रोजगार विभागका निर्देशक उद्धवप्रसाद रिजालको कार्यकक्षमा एकसाथ छिरेका ९ जनामध्ये एक युवकले आग्रह गरे । उनीहरूसँगै विभागको अनुसन्धान तथा उजुरी शाखाका अधिकृत रञ्जनप्रसाद तिमल्सिना पनि फाइल बोकेर उपस्थित थिए ।
तिमल्सिनाले निर्देशक रिजाललाई ती युवाको समस्याबारे जानकारी गराए । साथै उनले आफ्नो फोन म्यानपावरवालाले नउठाएको जानकारी पनि दिए ।
निर्देशकले नै पहल गरे समस्या समाधान हुन्छ कि भन्ने आशामा देखिएका एक युवकले आग्रह गरे – ‘छिटो फोन गरेर कुरा गर्नुस् न सर । म्यानपावरले के भन्छ, हामी पनि सुन्छौं ।’
अर्का युवकले थपे– त्यसलाई तुरुन्त पक्राउ गर्नुपर्यो ।
त्यसक्रममा केहीबेर छलफल भयो ।
छलफलपछि निर्देशक रिजालले आश्वासन दिए– ‘म्यानपावर कम्पनी छलफलमा आए छलफल गर्छौं, नत्र कारवाही प्रक्रिया अघि बढ्छ ।’
निर्देशकको आश्वासनपश्चात उनीहरू बाहिरिए ।
यसरी ठगियो
म्याग्दीको एउटै गाउँका ७ जना युवा दुबई जानका लागि घरबाट बिदा भएर काठमाडौं आए ।
काठमाडौं आएपछि विदेश पठाइदिने भनेर पैसा बुझाएको भेरी एन्ड कर्णाली इन्टरनेसनल प्रा.लि. नामक म्यानपावर कम्पनी सञ्चालिका कल्पना रावललाई भेटे ।
दुईतीन दिनमा नै उडान छ भनेर बोलाएकी कम्पनी सञ्चालिका रावलले उनीहरूलाई हवाइ टिकट देखाउँदै फ्लाइट सरेको भनेर फर्काइन् ।
रावलले उनीहरूलाई दुबई प्रहरीमा जागिरका लागि भिसा लागिसकेको भन्दै पासपोर्ट पनि देखाइन् ।
हवाइ टिकट र भिसा लागेको पासपोर्ट देखेपछि उनीहरूलाई रावलको कुरामा विश्वास लाग्ने नै भयो । त्यो दिन चुपचाप फर्किए ।
दुबईमा मासिक १ लाख नेपाली रूपैयाँ कमाइ हुने भन्दै उनीहरूबाट प्रतिव्यक्ति ५ लाख लिइएको थियो । तर पटक-पटक फ्लाइट सरेको भनेपछि उनीहरूलाई शंका लाग्यो । त्यसपछि श्रम मन्त्रालयमा बुझ्न गए ।
‘म्यानपावरले दिनदिनै फर्काउन थालेपछि श्रम मन्त्रालयमा बुझ्दा दुबईमा प्रहरीका लागि कुनै भिसा नै लागेको रहेनछ,’ पीडित चन्द्रबहादुर छन्त्यालले लोकान्तरसँग भने ।
आफूहरू ठगिएको थाहा पाएपछि उनीहरूले पैसा फिर्ता मागे । त्यसपछि त म्यानपावर सञ्चालिका रावल सम्पर्कमै आउन छाडिन् ।
आफ्नो पैसा फसेपछि गत शुक्रवार उनीहरू विभागमा उजुरी दिन पुगेका थिए ।
आफ्नो उजुरीउपर के कारवाही भइरहेको छ भन्ने बुझ्न सोमवार पनि उनीहरू विभागमा आएका रहेछन् ।
‘दुबईमा मासिक १ लाख कमाइ हुन्छ भनेर पुसदेखि ८ महिनासम्म झुलायो । न दुबई पठायो न पैसा फिर्ता गर्छ,’ पीडितले लोकान्तरसँग भने, ‘हामीलाई ठगी गर्नेलाई कारवाही गरी क्षतिपूर्ति पाउँ भनेर अहिले यहाँ उजुरी दिएका छौं ।’
घरबाट बिदा भएर आइसकेका उनीहरू अहिले काठमाडौंमा भौँतारिँदै छन् ।
अमेरिका पठाउने भन्दै ठगी
भेरी कर्णाली म्यानपावरले दुबई मात्र होइन अमेरिका पठाउने भन्दै पनि ठगी गरेको छ ।
म्याग्दीका दलबहादुर छन्त्याल र अर्का एक जना यसरी ठगीमा परेका हुन् । कूल २६ लाख बुझाए अमेरिका पठाइदिने भनेकी रावललाई उनीहरूले एड्भान्स स्वरूप ५ लाख बुझाएका थिए ।
एक लाख रूपैयाँ हातैमा र चार लाख रूपैयाँ आईएमईमार्फत् बुझाएको पीडित छन्त्यालले बताए । ‘हामी बुढाबुढीलाई नै अमेरिका पठाउने भनेपछि मैले एक लाख रुपैयाँ क्यास बुझाएँ । म्यानपावरवालाले कृष्ण श्रेष्ठको नाममा चार लाख आईएमई गरिदिनु भन्यो, त्यो पनि पठाएँ,’ छन्त्यालले लोकान्तरसँग भने, ‘पछि तपाईंको काम भएन दाइ भन्यो । पैसा फिर्ता माग्दा भोलि–भोलि भनेको ८ महिना बितिसक्यो ।’
मलेसिया, न्युजिल्यान्डलगायतका देश घुमेर फर्किएका छन्त्याल न अमेरिका जान पाए, न पैसा नै फिर्ता भयो ।
अहिले वैदेशिक रोजगार विभागको चक्कर काट्दैछन् ।
८५ वटा उजुरी
भेरी एण्ड कर्णाली इन्टरनेसनल प्रा.लि. नामक सो म्यानपावर कम्पनीविरुद्ध विभागमा कूल ८५ वटा उजुरी परेको छ । यी उजुरी वि.सं. २०७० यताका हुन् ।
यसवर्ष मात्रै ६ वटा उजुरी विभागमा दर्ता भइसकेको छ ।
विभागबाट फोन गर्दा पनि सम्पर्कमा नआएपछि गत जेठ २३ गते देखि उक्त कम्पनीको कारोवारमा विभागले रोक लगाएको छ ।
अदालतको स्टेअर्डर !
ठगीका उजुरी परेपछि विभागले पीडितलाई उक्त म्यानपावरको धरौटी रकमबाट क्षतिपूर्ति दिलाउने निर्णय गर्यो । सो निर्णयविरुद्ध म्यानपावर कम्पनीले उच्च अदालत पाटनमा रिट दायर गर्यो ।
म्यानपावरवालाको रिटमा अदालतले स्टेअर्डर जारी गरेपछि पीडितहरू क्षतिपूर्ति पाउनबाट बञ्चित भएका छन् ।
‘हामीले धरौटी रकमबाट क्षतिपूर्ति दिलाउने निर्णय गरेका थियौं । तर त्यसमा अदालतले स्टेअर्डर जारी गरेपछि पीडितले क्षतिपूर्ति पाउन सकेका छैनन्,’ निर्देशक रिजालले भने, ‘७ जना युवाले फेरि अर्को उजुरी दिनुभएको छ । हामीले म्यानपावरवालाई फोन गर्दा उठाएको छैन ।’
निर्देशक रिजालले म्यानपावर कम्पनी सम्पर्कमा आए छलफल गराउने र नआएमा अन्य प्रक्रियाबाट कारवाही अगाडि बढाउने बताए ।
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...