काठमाडौँ, ११ चैत– अद्भूत क्षमतावान् भनेर चर्चित भारतका नौ वर्षीय कौटिल्य पण्डित (गुगल ब्वाइ) बिहीबार नेपाल आएका छन् ।
उनले शनिबार राजधानीको सभागृहमा आफ्नो प्रतिभा देखाउने कार्यक्रम रहेको छ । नौ वर्षका कौटिल्य भारतमा मात्र होइन विश्वमानै चर्चित छन् ।
अरु बालकझैं खेल्ने उमेरका कौटिल्य भने विश्वमा आफ्नो अद्भूत क्षमताका कारण चर्चित छन् । उनलाई विश्वका अधिकांश कुराको ज्ञान छ ।
उनी आफ्नो देशको बारेमा, अन्तरिक्षको बारेमा र यस संसारमा भएका सबै चीजबारे जानकारी राख्छन् ।
गुगल ब्वाइले काभ्रेको काभ्रेपलाञ्चोक भगवती, सिन्धुलीको कुशेस्वर महादेव, काठमाडौँ र पोखराका विशेष धार्मिक एवं पर्यटकीय स्थानहरूको भ्रमण गर्ने कार्यक्रम रहेको जनाइएको छ ।
तस्वीर : बसन्त श्रेष्ठको फेसबुकबाट
