सामसङ नेपालले सञ्चालन गरेको ‘ब्ल्याक पिंक डान्स फेस्टिवल २०१९’को उपाधि ‘सेलेस्टियल’ टीमले हात पारेको छ ।

उत्कृष्ट १० प्रतिस्पर्धी समूहलाई पछि पार्दै सेलेस्टियलले ‘ब्ल्याक पिंक डान्स फेस्टिभलको उपाधि रच्न सफल भएको हो । 

प्रतियोगितामा सहभागिता जनाएका झण्डै २०० प्रतिष्पर्धीलाई उछिन्दै अन्तिम प्रतिष्पर्धाकालागिलागि छानिएका १० प्रतियोगी समूह मध्येबाट सेलेस्टियल टीम आफूलाई अब्बल सावित गर्न सफल भयो ।

काठमाडौंको ‘सिल्भर ओक ब्याङ्क्युट एण्ड इभेन्टस् सेन्टर गैरीधारामा शनिवार भएको कोरियन म्युजिक डान्समा सहभागिता जनाएका समूहले विभिन्न के पप सङमा आफ्नो डान्स प्रस्तुत गरेका थिए । त्यसरी आफ्नो डान्स प्रस्तुत गर्नेहरू मध्येबाट प्रतिस्पर्धाका लागि निर्धारित ३ जनाको जुरी समूहले विजेता घोषणा गरेको हो ।

प्रतियोगितामा ३एपीएम समूह दोस्रो हुन सफल भएको छ भने क्रिडो–इन् क्रू समूह दोस्रो हुन सफल भएको छ । विजेतामध्ये प्रथम हुने टीमले ४ सेट सामसङ ए८० फोन, द्वितीय हुनेले सामसङ ए५०एस र तृतीय हुनेले सामसङ ए३०एस फोन सेट प्राप्त गरेका छन् ।

प्रतियोगिताको अन्तिम प्रतिस्पर्धाका लागि गत मंगलवार अन्तिम १० प्रतियोगी छनौट भएका थिए । ती प्रतियोगी टीम क्रमशः एच२बी (हर्ट टु बीट), सेलेस्टियल, ड्रिमिङ एन पे पप, क्रिडो–इन् क्रू, दीपिका तामाङ, समिर खत्री, स्काई लिटिल विङ, टी–गेन्स, ३एपीएम र लागोम एक्स हुन् । उनीहरूलाई शुरूमा कुनै पनि के पप सङमा १ मिनेटको नाच रेकर्ड गरी सामसङ नेपालको आधिकारिक वेबसाइटमा त्यो भिडियो उपलब्ध गराउनुपर्ने प्रावधान तय गरिएको थियो । 

प्रतियोगितामा सहभागी हुनका लागि कम्पनीले डिसेम्बर महिनाको २० तारिकसम्मको समय उपलब्ध गराएको थियो । छनौटमा परेका १० प्रतिस्पर्धीले सामसङ नेपालका तर्फबाट ५/५ हजारभन्दा बढीको गिफ्ट ह्याम्पर प्राप्त गरेका छन् ।

शनिवारको फाइनल राउन्डमा ४ सयभन्दा बढी दर्शकबीच कोरियन संस्कृतिले भरिपूर्ण डान्स गर्ने अवसर पनि प्राप्त गरे । त्यसक्रममा कोरियन संस्कृति झल्काउने किसिमले सहभागी दर्शकले समेत विभिन्न खालका गिफ्ट समेत प्राप्त गरे । ब्ल्याक पिंक कभर डान्स कन्टेक्स्ट नामको सांगितिक कार्यक्रम कोरियन संस्कृति र संगीतले भरिपूर्ण रह्यो । 

के पप कोरियाली पप अर्थात् दक्षिण कोरियामा शुरू भएको लोकप्रिय संगीतको विधा हो । यो विधा सन् १९९० पछि शुरू भएको पाइन्छ । हाल कोरियामा मात्र नभई विश्वका धेरै मुलुकमा के पप प्रसिद्ध छ । के पपको आधुनिक रुप सन् १९९२ पछि भएको मानिन्छ ।

जसले पूर्वी एसिया र दक्षिण पूर्व मात्र नभई पाकिस्तान, बंगलादेश, भारत, ल्याटिन अमेरिका, उत्तर अफ्रिका, दक्षिण अफ्रिका, मध्य पूर्व र पश्चिम विश्वभर व्यापक दर्शक प्राप्त गर्न सकेको छ । 

नेपालमा रहेका कोरियन संस्कृति र संगीत पारखीका लागि यो एउटा खुशीको अवसर पनि हो । आफूलाई के पपको सांगीतिक आकर्षणमा उभ्याइसकेका र त्यसको प्रयासमा रहेका युवा–युवायुवतीका लागि सामसङले ल्याएको ‘ब्ल्याक पिंक डान्स फेस्टिभल’ले त्यो अवसर जुटाइदिएको हो ।   

दक्षिण कोरियामा शुरू भएको लोकप्रिय संगीत विधा के–पप (कोरियाली पप) ले नेपालमा समेत बजार ओगटिसकेको छ । यस्तो अवस्थामा ‘ब्ल्याक पिंक डान्स फेस्टिभल’ नेपालमा ल्याइनुले कोरियन संस्कृतिबाट भरिपूर्ण डान्स प्रतिआकर्षण भएका युवायुवतीका लागि एउटा महत्त्वपूर्ण प्लेटफर्म बन्यो ।