३० असार २०८३, मंगलबार
सामाजिक सञ्जाल साइट ट्विटरले डाइरेक्ट मेसेज (डीएम) पठाउँदा सातवटा इमोजी रियाक्सनको फीचर ल्याएको छ ।
फेसबूकले पब्लिक पोस्टमा इमोजी रियाक्सन सन् २०१६ मा पहिलोपटक ल्याएको थियो तर ट्विटरले पब्लिक ट्वीटमा नभई डीएममा मात्र यो सुविधा उपलब्ध गराएको हो ।
सातवटा इमोजी अप्सनलाई इमेजमा वा टेक्स्ट मेसेजमा अट्याच गर्न मिल्छ । त्यसमा लाफिङ आउट लाउड, शक, क्राइङ, हार्ट, फायर, थम्ब्स अप र थम्ब्स डाउन छन् ।
डीएममा मात्र नभई सबैतिर यी नयाँ रियाक्सनहरू ल्याउने नल्याउने भनी ट्विटरले बताएको छैन ।
ट्विटर प्रयोगकर्ताहरूले यस नयाँ फीचरका बारेमा प्रतिक्रिया जनाउँदै यसभन्दा अन्य फीचरहरू महत्त्वपूर्ण भएको र तिनलाई ल्याउन आग्रह गरे ।
धेरैजसोले ट्वीट एडिट गर्न मिल्ने फीचर ल्याउन आग्रह गरेका छन् । फेसबूकमा पोस्ट र कमेन्ट एडिट गर्ने सुविधा भएजस्तै ट्विटरमा पनि हुनुपर्ने उनीहरूको माग छ ।
