हर्बल टी पिउने सही तरिका यो हो

असोज २१, २०७६

तौल घटाउन तथा फिट रहनका लागि मानिसहरू हर्बल टी पिउने गर्छन् । हर्बल टी बनाउँदा र पिउँदा केही कुरामा विशेष ध्यान दिनुपर्छ । 

दूध प्रयोग नगर्ने
धेरै मानिसलाई दूधविनाको चिया के चिया भन्ने लाग्छ । तर तौल घटाउनलाई हर्बल चिया पिउँदा त्यसमा दूध मिसाउनुभयो भने प्रभावकारी हुँदैन । दूधमा भएका पोषक तत्त्वका कारण तौल घटाउन बाधा पुग्छ । 


ADVERTISEMENT

चिनी नहाल्ने
हर्बल टीमा चिनी मिसाउँदा क्यालोरी धेरै बढ्छ । यसले हर्बल टी पिइरहनुको उद्देश्यलाई असफल बनाउँछ । 

फेरि नतताउने
हर्बल टीलाई घरिघर तताउँदा त्यसमा भएको प्राकृतिक हर्बल गुण सकिन्छ । ताजा चिया पिउनुभएमा मात्र लाभ हुन्छ । 

दिनमा एकचोटि मात्र पिउने
जति मन लाग्यो त्यति पिउने कुरा होइन हर्बल टी । यसको सेवनको एक निश्चित समय हुन्छ । हर्बल टी कुन बेलामा पिउन उपयुक्त हुन्छ भनी चिकित्सकसँग सल्लाह लिनुहोला । 

छोपेर चिया नपकाउने
हर्बल टी बनाउँदा भाँडोको बिर्को खुला राख्नुस् र पानीलाई बाफ बनेर उड्न दिनुस् । आयुर्वेदका अनुसार, यसो गर्दा हर्बल टीबाट स्वास्थ्य लाभ प्राप्त गर्न सकिन्छ । 

एजेन्सी

असोज २१, २०७६ मा प्रकाशित

प्रतिक्रिया दिनुहोस

ताजा समाचार