०५ साउन २०८३, मंगलबार
इलाका प्रहरी कार्यालय बुटवलका राखिएका १३ जना थुनुवालाई कोरोना संक्रमण पुष्टि भएको छ । तीमध्ये ५ जना बुधबार नै छुटेका छन् ।
जिल्ला प्रहरी कार्यालय, रुपन्देहीका प्रवक्ता डीएसपी खड्गबहादुर खत्रीले थुनुवालाई संक्रमण पुष्टि भएको लोकान्तरलाई जानकारी दिए ।
डिएसपी खत्रीका अनुसार थुनुवामा संक्रमण पुष्टि भए लगत्तै उनीहरुको सम्पर्कमा आएका प्रहरी तथा अन्य थुनुवालाई अलग गरिएको छ । थुनुवालाई स्थानीय तहसँग समन्वय गरी आइसोलेसनमा पठाइने छ भने सम्पर्कमा आएका प्रहरीहरुलाई क्वारेन्टिनमा पठाउने तयारी गरिएको छ ।
मंगलबार मुख्यमन्त्री शंकर पोखरेलका सुरक्षामा खटिएका ३ जना प्रहरीमा पनि संक्रमण देखिएको थियो । प्रदेश पाँचमा कोरोना संक्रमण समुदाय स्तरमै तीव्र रुपमा फैलिएको छ ।
