पुस ४, २०८०
डिसेम्बर पहिलो साता एनसेलको माउ कम्पनी आजियाटाले आफ्नो रेनोल्ड होल्डिङ्स यूकेको शतप्रतिशत स्वामित्व गैरआवासीय नेपाली सतिशलाल आचार्यको कम्पनी स्पेक्ट्रलाइट यूकेलाई बेच्न गरेको सम्झौताबारे समाचार बाहिरिएको झन्डै ३ हप्...
सन् २०२० को शुरूआतमा दक्षिण भारतमा एउटा चलचित्र रिलिज भएको थियो । जसको नाम थियो ‘डियर कमरेड’ । जसले लैंगिक हिंसालाई जबरजस्त उठान गरेको थियो ।
चलचित्रकी मुख्य पात्र लीलीको सपना हुन्छ उत्कृष्ट क्रिकेटर बन्ने । यसका लागि उसले राष्ट्रिय छनोट खेलको तयारी पनि गरिरहेकी थिइन् । लीलीको उत्कृष्ट महिला क्रिकेटर बन्ने सपना त्यहाँनेर तुषारापात हुन्छ, जब १ जना पुरुष अध्यक्षले आफ्नै कार्यकक्षमा बोलाएर आफूसँग एक रात बिताए मात्र राष्ट्रिय छनोटमा पार्ने भनेर यौन दुर्व्यवहार गर्न शुरू गर्छ ।
यौन दुर्व्यवहार, हिंसा र अत्याचारले महिलाको जीवन कसरी तहसनहस हुन्छ भन्ने कुरा चलचित्रको गुदी हो । यही विषयको वरिपरि चलचित्र घुमेको पाइन्छ ।
यो चलचित्र एउटा प्रतिनिधि उदाहरण मात्र हो । हामी कहाँ पनि यस्ता धेरै क्षेत्रमा महिलाले बारम्बार पुरुषबाट प्रताडित हुनुपरेका अनगिन्ती किस्सा छन् ।
दिनैपिच्छे हुने गरेका महिला हिंसाको विरोधमा कालो पहिरन, कालोपट्टी बाँधेर कहिले प्लेकार्ड बोकेर, कहिले नारा जुलुस गरेर कहिले सञ्जालमा तस्वीर ‘ब्ल्याक आउट’ गरेर प्रतिकात्मक विरोध गरिरहनुपरेको छ ।
हिजोआज सामाजिक सञ्जालको जगमा महिला थिचोमिचोविरुद्ध दबाब दिने उद्देश्यले डिजिटल आन्दोलन छेडेर समाजलाई खबरदारी गरिएको प्रस्ट बुझ्न सकिन्छ । यसलाई महिला जागरणको एक हिस्सा पनि मान्न सकिन्छ ।
एकदम कम पुरुषले आफ्नी पत्नीलाई आफ्नै दर्जामा स्वीकार गर्छन् । ज्यादातर हैकमवादी पुरुषले महिलाका स्वतन्त्र विचारलाई किलामा गोरु बाँधेझै बाँधेका छन् । सदियौंदेखि पुरुषवादी माखेसाङ्लोमा नारीले कष्टकर अवस्था व्यहोरिरहनुपरेको छ ।
आफ्नो पितृसत्तात्मक शासन टिकाइरहन महिलामाथि जतिसुकै ठूलो अन्याय गर्न पनि तत्पर रहन्छ । विवेकशील र जुझारु महिलाका विचारहरू निमोठिन्छन् । परिवर्तनगामी आवाजहरू दबाइन्छन् । पुरुषवादी शक्तिको आडमा पाइला–पाइलामा मानसिक प्रताडनमा पारिन्छ ।
‘नारी पुरुष बराबर, एक सिक्काका दुई पाटा’ ! किताबमा खुबै पढ्छ समाजले तर किताबका पानाभन्दा बाहिर कहिल्यै ल्याउन चाहेन । नारी पुरुष बराबर लेखिएको पनि धेरै वर्ष बितेको छैन । लेखाउन मात्र पनि नारीले धेरै ठूलो बलिदानी दिनुपरेको छ । नारी पुरुष बराबर लेख्न सकियो तर कहिल्यै देख्न सकिएन ।
दमन काकाले महिला साक्षरता सम्बन्धी तालिममा वरको चौतारोमा उभिएर भनेको कुरा मलाई झलझल्ती याद आउँछ, ‘महिलालाई शिक्षा दिनुपर्छ । जागरुक बनाउनुपर्छ ।’ भरे घर गएर काकीलाई खुब भकुर्थे । हो यही हो हाम्रो समाजको प्रतिबिम्ब । नारी शोषण गाउँमा पनि छ शहरमा पनि छ, बस तरिका मात्र फरक छ ।
सानो छँदाको घटना याद आउँछ । आमाहरू धारामा पानी भर्न जाँदा होस् चाहे खोलामा लुगा धुन । २ जना महिला एकआपसमा भलाकुसारी गरिरहँदा बाहरूले भन्न भ्याउँथे, ‘आईमाईको जात अरुको कुरा नकाटी खानै पच्दैन ।’ बाहरू भने बिहानै उठेर २ ठाउँ जान्थे । पहिलो चर्पी जान्थे पेट खाली गर्थे र फेरि पेट भर्थे । दोस्रो चिया पसल जान्थे । गाउँभरिका पुरुषको पुरुषत्व प्रदर्शन गर्ने थलो थियो चिया पसल ।
शरीरको छायाँले सानो आकार नलिउञ्जेलसम्म बाहरू दुनियाँभरका बेतुकका गफ चुट्दै हाहा हुहु गरिरहन्थे चिया अड्डामा । उता घरमा आमाहरूले बाका लागि मध्याह्नको भोजन तयार पारेकी हुन्छिन् । चिया पसलको ड्युटी सकेर बाहरू खाना खान्थे र सिधै तासको रमझममा जुट्थे । उता आमा भने बाको जुठो थाल माझेर घरायसी काममा जुट्थिन् । प्रायःजसो बा र आमाहरूको दिनचर्या यस्तै–यस्तै हुन्थ्यो ।
डामेका साँढेझै बेकामे फिरन्ते बाहरूको आमाले कहिल्यै कुरा काटिनन् र अभद्रता देखाइनन् । तर सारा घर चलाउने आमाहरूको बाले कहिल्यै कुरा काट्न र दमन गर्न बाँकी राखेनन् । आमाले अलि ठूलो स्वरले कहिल्यै बोल्न जानिनन्, आईमाईले चर्को बोल्दा अलच्छिन लाग्छ भनि बन्देज थियो तर बाले आमालाई थर्काउदा १० गाउँ हल्लिन्थ्यो । बाहरूले हजार गल्ती गर्दा पनि सामान्य हुन्थ्यो, आमाले १ गल्ती गर्दा हजार सजाय भोग्नुपर्थ्यो । बाहरूका फिरन्ते बानी आमाहरूलाई कहिल्यै गलत लागेनन् तर आमाहरूले एकआपसमा गरेको भलाकुसारी पनि बाहरूलाई अपराधझै लाग्थ्यो । हो यही हो हाम्रो समाजको प्रतिबिम्ब । गाउँ होस् वा शहर आज पनि बाहरूले आमाहरूलाई यसरी नै हेप्छन् । यसरी नै हकार्छन् । बस तरिका फरक छ । आमाले चलाएको घर यस्तो लाग्छ, मानौ स्वर्ग हो । यदि देश चलाउन पाए भने ? यस प्रश्नको उत्तर लेखकले दिइरहनु पर्दैन सायद ।
अहिले शृंखलावद्ध रूपमा भइरहेका महिला हिंसा, दमन र बलात्कार जस्ता जघन्य अपराधको धरातल भनेकै पुरुषवादी समाजले महिलामाथि गरेको हेय र शासनको उपज हो । हाम्रा कूरीतिपूर्ण संस्कार पनि यसका मूलभूत कारण हुन् । विषय महिलामाथि हुने हिंसाको मात्र होइन, व्यवहारको पनि हो । छोरी मान्छेमाथि समाजले राख्ने धारणा, विचार, व्यवहार पनि महिला हिंसाका जड हुन् ।
महिलामाथि प्रयोग गरिने विशेषण पनि खेदजनक छन् । रत्नपार्कका टेम्पो चालक महिलाले सुन्दै आएको शब्द हो ‘पोथी टेम्पो’ । यो फगत शब्द मात्र होइन, नारीप्रति गरिएको उपहास हो । राम्रो लेख्न सक्नेलाई ‘पोथी लेखक’, राम्रो गाउन सक्नेलाई ‘पोथी गायक’का पगरी गुथाइन्छ । यी सबै एक ऊर्जाशील नारीप्रति गरिएका शाब्दिक दमन हुन् । कुनै विषयमा छोरी मान्छेले आफ्नो वौद्धिकता प्रदर्शन गर्न थालिन् भने समाजले त्यो पनि सहन सक्दैन र आफूमाथिको अत्याचार ठान्छ । अर्को उपमा थपिहाल्छ, पोथी कराएको ठीक हुँदैन ! अनि यतिका वर्षसम्म भाले ठान्ने पुरुषले महिलामाथि गरेका अत्याचारको लेखाजोखा खै ?
वैदिककालमा रक्तबिज, महिषासुर, शुम्भ–निशुम्भ जस्ता बलवान असुरलाई मार्न नसकेर माँ काली दूर्गाको आराधना गर्ने शिव, विष्णु, ब्रह्मा (अर्थात् पुरुष समाज) ले पनि विभिन्न कालखण्डमा आदिशक्ति (मातृशक्ति) को शरण जानुपरेको थियो । वेदमा थुप्रै विदुषी नारीले ऋचाको वाचन गरेको भनिएको छ । पञ्च – महायज्ञ, श्राद्ध, बलि, हविष्य आदिको आधार पनि नारी नै थिए । वेदले नारीलाई ‘श्री’ र ‘लक्ष्मी’ भनेको छ, जो घरमा सुख र समृद्धि सिर्जना गर्छन् । जब कि यावत कार्यको जननी नै नारी स्वयं हुन भने बन्देज किन ?
छोरीले गायत्री मन्त्र पढ्नुहुन्न, मलामी जानुहुन्न, हवन गर्नुहुन्न, जमरा रोप्नुहुन्न, दागबत्ती दिनुहुन्न, खेतबारी जोत्नुहुन्न यी सब गर्दा घोर अनिष्ट पैदा हुन्छ भनी समाजमा भ्रम फैलाउने कट्टरवादीहरू अझै छ्याप्छ्याप्ती छन् । यो सब नारी स्वतन्त्रतालाई कुण्ठित पार्ने फगत ‘निन्जा टेक्निक’ हो ।
वैदिक समयमा नारीको समाजमा ठूलै हिस्सा रहन्थ्यो । समाज परिचालन गर्नेदेखि एकल सन्तान प्राप्तिसम्मको अधिकार राख्दथे । सन्तानहरू पिता विना नै आमाबाट परिचित हुन्थे । सन्तान प्राप्त गर्न बाको उपस्थिति जरुरी रहँदैनथ्यो, जन्मको अवस्था भलै फरक हुन्थ्यो । महान् धनुर्धर अर्जुन उनकी आमा कुन्तीका नामले चिनिन्थे । सीताका २ पुत्र लव र कुश पिता राम विनै परिचित भएका थिए । तर आज नारीको अस्तित्वलाई नै संकुचन पारिएको छ ।
नारी अधिकारलाई कुण्ठित पार्न, घरघरमा महिलाका लागि कानून बनाइएका छन् । धारा उपधाराभित्र पनि टोपी लगाइएका नियम बनाइएका छन्, नारीको स्वतन्त्रतालाई हत्या गर्नका लागि । यो किमार्थ सही होइन ।
जबसम्म महिलाका मुद्दा पुरुषका पनि साझा मुद्दा बन्दैनन्, तबसम्म महिला सशक्तीकरणका मुद्दा फितलो नै रहनेछन् । महिला उत्थानका लागि पुरुषको आवाज उठेन भने मान्नुस् समाज पनि उठेन । महिला उत्पीडनका स्वरहरू महिला र पुरुष दुइटैबाट हातेमालो गर्दै गुन्जिए मात्र यसले सार्थकता पाउने छ ।
नारी हिंसा र लैंगिक असमानताबारे पुरुष स्वयंले लेख्ने, बोल्ने र आवाज बुलन्द नपारेसम्म यसलाई न्यूनीकरण गर्न फलामको चिउरा चपाउनुसरह हुनेछ र खाडल झन् बढ्दै जानेछ । यदि महिला हिंसाप्रति पुरुषको ध्यानाकर्षण भएन भने दोषीले झनै आत्मबल पाउने छ । महिला हिंसाविरुद्ध पुरुष र पुरुष हिंसाविरुद्ध महिला एकसाथ उभिँदैनन् भने बुझ्नुस् मानव अधिकारको अर्थ पानीमा फालिएको अगुल्टोको झ्वाइँभन्दा ठूलो हुने छैन ।
डिसेम्बर पहिलो साता एनसेलको माउ कम्पनी आजियाटाले आफ्नो रेनोल्ड होल्डिङ्स यूकेको शतप्रतिशत स्वामित्व गैरआवासीय नेपाली सतिशलाल आचार्यको कम्पनी स्पेक्ट्रलाइट यूकेलाई बेच्न गरेको सम्झौताबारे समाचार बाहिरिएको झन्डै ३ हप्...
मखमली फुल्दा, मार्सी धान झुल्दा बहिनी आउने छिन्, दैलाको तस्वीर छातीमा टाँसी आँसु बगाउने छिन् .....। हाम्रो समयका चर्चित गायक नारायण रायमाझीको ‘नमुछे आमा दहीमा टीका’ बोलको गीत नि...
राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...
धरान उपमहानगरपालिकाका मेयर हर्क साम्पाङले राष्ट्रपति र प्रधानमन्त्रीको फोटो नगरपालिकाबाट हटाएको विषय अहिले निकै चर्चामा छ । २०५४ मा त्यही प्रकृतिको क्रियाकलाप गरेका थिए, लीला थापा मगरले । जिल्ला विकास समिति...
गरिबको घरआँगन कसैलाई मन पर्दैन । गरिबको लुगाफाटो कसैलाई मन पर्दैन । गरिबले ठूला कुरा गरेको कसैलाई मन पर्दैन । गरिब नाचेको, गरिब हाँसेको कसैलाई मन पर्दैन । यतिखेर गरिबले लडेको जनयुद्ध दिवस पनि कसैलाई मन ...
उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...