२३ असार २०८३, मंगलबार
जापानका अर्बपति व्यापारी कोसुके नोजाकीकी पत्नी साकी सुडोलाई प्रहरीले पक्राउ गरेको छ ।
ती ७७ वर्षीय व्यापारीसँग विवाह गरेको तीन महिनामै २५ वर्षीया महिलाले हत्या गरेकी थिइन् ।
नोजाकीको घरजग्गा तथा रक्सीको कारोबार थियो । उनको मृत्यु तीन वर्षअघि भएको थियो । पोस्टमोर्टम गर्दा उनको शरीरमा खतरनाक ड्रग्स फेला पारेको थियो ।
सन् २०१६ मा उनको आत्मकथा प्रकाशित भएको थियो । त्यसमा उनले चार हजार महिलासँग सम्बन्ध राखेको लेखेका थिए । ती महिलालाई लाखौं रुपैयाँ दिएको उनको भनाइ छ ।
नोजाकालाई वाकायामामा रहेको घरमा मृत अवस्थामा फेला पारिएको थियो । प्रहरीले अनुुसन्धान गरेर यो आत्महत्या नभएको र विष दिइएको निष्कर्ष निकालेको छ ।
पत्नी सुडोले इन्टरनेटमा विषको अनुसन्धान गरेको र पतिलाई विष खुवाएको प्रहरीको भनाइ छ ।
सुडोले पतिको हत्या किन गरेकी हुन् भन्ने थाहा हुन सकेको थिएन । तर नोजाकीले आफ्नो इच्छापत्रमा १.३ अर्ब युआन शहरको विकासका लागि दान गर्न चाहेको उल्लेख भएकाले त्यही सम्पत्तिको लोभमा सुडोले हत्या गरेको हुनसक्ने आशंका थियो ।
अहिले आएर सुडोले हत्या सकारेकी हुन् ।
