अस्ट्रेलियामा बाढीपछि माकुराहरूले बनाए विशाल जालो (भिडियो)

अस्ट्रेलियाको भिक्टोरियामा रहेको गिप्सल्यान्ड क्षेत्रमा अविरल वर्षा रोकिएपछि माकुराहरूले विशाल जालो बनाएका छन् । 

एक ठाउँमा माकुराको जालोले सडकमा एक किलोमिटरभन्दा बढी क्षेत्र ढाकेको छ । 
 


Advertisement

विज्ञहरूका अनुसार, यसलाई अंग्रेजीमा बलूनिङ भनिन्छ । यसमा माकुराहरूले जालो फ्याँकेर अग्लो ठाउँमा चढ्ने गर्छन् । 
 

कीटपतंगविद् डा केन वाकरका अनुसार, लाखौं माकुराहरूले वरपरका रुखहरूमा जालो फ्याँकेको हुनुपर्छ । 

भुइँमा बस्ने माकुराहरू जमीनबाट छिटो माथि उठ्नुपर्ने हुन्छ । उनीहरूको जालो रुखबिरुवा टाँसिन्छ र उनीहरू भाग्न सफल हुन्छन्,’ उनले बताए ।

यसले गर्दा सेल र लंगफोर्ड शहरका बीचका रामसार क्षेत्रमा माकुराका विशाल जालो बनेका छन् ।
 

एजेन्सी
एजेन्सी

लेखकबाट थप...

कमेन्ट गर्नुहोस्