चर्चित गायिका रचना रिमालको “तीजको महिना छ” बोलको गीतको भिडियो सार्वजनिक भएको छ।

उक्त गीतमा शब्द डि.पि खनालको रहेको छ भने संगीत नबिन कार्कीको छ गीतमा स्वर भने रचना रिमालको रहेको छ। भिडियोलाई एरेन्ज र मिक्सिङ बिसाल निरौलाले गरेका हुन् ।

डान्स बिटमा तयार भएको गीतको भिडियोमा कोरस डान्सरहरुका बिचमा अनिता बस्नेत, सबिना आचार्य, रक्षा बुढाथोकी र एलिना राना फिचर्ड छिन् ।

यी चारै जना मोडलले गीतको भिडियोमा मज्जैले कम्मर मर्काएकी छन् । तीजमा कोरोनाका कारण खुलमखुल्ला भिडभाडमा नाच्न नपाइएको अवस्था र साथीसंगीहरु संग रमाउन नपाइएको अवस्थालाई गीतमा उठान गरिएको छ । मिराज अर्यालको छायांकन तथा सम्पादन रहेको भिडियोलाई योगेन्द्र कार्कीले निर्देशन गरेका हुन् ।