कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
असोज १३, २०७८
मुलुकमा कोरोना भाइरसविरुद्धको खोप लगाउनेका संख्या बढेसँगै वैदेशिक रोजगारीमा जानेहरूको संख्या बढेको छ ।
पछिल्लो २ महिनामा मात्रै मुलुकबाट वैदेशिक रोजगारीमा जानेहरूको संख्या ६१ हजारभन्दा बढी रहेको वैदेशिक रोजगार विभागले जनाएको छ ।
महामारीकै बीचमा विदेशी मुलुकबाट बढी मात्रामा माग पत्र आइरहँदा नेपालबाट रोजगारीका लागि बाहिरिनेको संख्या बढ्न थालेको हो ।
दशैंअगाडि नै ४५ हजारले मुलुक छाड्ने !
नेपालीहरूको महान् चाड दशैंको मुखमा करीब ४५ हजार नागरिक वैदेशिक रोजगारीका लागि जाने देखिएको छ ।
विभागका अनुसार अहिले दैनिक रूपमा १२ सयदेखि २ हजारसम्म श्रमिक वैदेशिक रोजगारीका लागि गइरहेका छन् ।
‘यसरी हेर्दा दशैं अगाडि नै थोरैमा नै करीब ३० हजार मानिस रोजगारीमा जाने देखिन्छ,’ वैदेशिक रोजगार व्यवसायी महासंघका महासचिव सुजित श्रेष्ठले लोकान्तरसँग भने ।
यो संख्या श्रम स्वीकृति लिएर जाने मात्रैको हो । तर यो संख्या यति मै सीमित रहने देखिँदैन ।
महासचिव श्रेष्ठका अनुसार दुबईमा अहिले फरक अवस्था छ ।
दुबईमा कामदारको रूपमा भन्दा पनि पर्यटक भिसाको माग बढी छ ।
जसका कारण नेपालीहरू पनि त्यहाँसम्म पर्यटक भिसामा पुग्ने र त्यहाँ पुगेपछि भिसा ट्रान्सफर गर्ने गरिरहेका छन् ।
उनका अनुसार अहिले दैनिक ६ सय नेपाली पर्यटक भिसामा दुबई गइरहेका छन् । त्यहाँ पुगेर उनीहरूले श्रमिक बनेर काम गरिरहेको पाइएको महासचिव श्रेष्ठले बताए ।
उनले भने, ‘दुबईमा अहिले फरक अवस्था छ । कामदारहरू टुरिस्ट भिसामा गएर भिसा ट्रान्सफर गरी बसिरहेका छन् । पर्यटक भिसामा दुबई जानेको संख्या दैनिक ६ सयको हाराहारीमा छ ।
पर्यटक भिसामा दुबई जानेहरूको संख्यालाई पनि जोड्ने हो भने दशैंअगाडि नै ४५ हजारको हाराहारीमा युवा वैदेशिक रोजगारीमा जाने देखिएको उनले बताए ।
‘असोज महिनामा अर्थात् दशैं अगाडिसम्ममा नै करीब ४५ हजारले वैदेशिक रोजगारीका लागि उडान भर्ने देखिन्छ,’ लोकान्तरसँग उनले भने ।
बढ्दै मागपत्र
कोरोनाका कारण प्रभावित वैदेशिक रोजगारी लयमा फर्किने क्रममा छ ।
कामदार आयात रोकेका मुलुकहरूले पनि धमाधम माग पत्र पठाउन थालेका छन् ।
असोज महिनामा विभिन्न मुलुकबाट करीब ६५ देखि ७० हजारको हाराहारीमा मागपत्र आउने सम्भावना रहेको महासचिव श्रेष्ठले बताए ।
कोभिड १९ को खोप लगाउनेहरूको संख्या बढ्दै जाँदा श्रमिक आयात गर्ने मुलुकहरूले नेपाली कामदार बढी मात्रामा मागिरहेको उनले सुनाए ।
पछिल्ला दिनहरूमा साउदी अरबमा नेपाली कामदारको माग सबैभन्दा उच्च छ । यस्तै कतार, मलेसिया, कुवेत, बहराइन र ओमानले पनि धमाधम मागपत्र जारी गर्दैछन् ।
यसबाहेक केही युरोपेली मुलुकबाट पनि माग आएको छ ।
‘युरोपेली मुलुकमध्ये रोमानिया र साइप्रसमा माग उच्च छ,’ उनले भने ।
सामान्यतयाः मागपत्र आएर श्रमिकले श्रम स्वीकृति पाएको कम्तिमा ३ महिनाभित्रमा श्रमिकहरू वैदेशिक रोजगारीका लागि जाने गरेका छन् ।
कोरोना महामारीले अस्तव्यस्त बनेको वैदेशिक रोजगारी अहिले विस्तारै चलायमान हुँदै गएको छ । पछिल्ला दिनहरूमा श्रम स्वीकृति लिनेहरूको संख्या पनि बढ्दै गइरहेको वैदेशिक रोजगार कार्यालय ताहाचलका शाखा अधिकृत प्रदीप ढकालले लोकान्तरलाई जानकारी दिए ।
उनका अनुसार साउनमा २५ हजार ४ सय २८ जनाले वैदेशिक रोजगारीका लागि श्रम स्वीकृति पाएका छन् । यस्तै भदौमा ३६ हजार ४० जनाले श्रम स्वीकृति पाएका छन् ।
दैनिक रूपमा अहिले १ हजार ५ सय देखि २ हजार जनासम्म उडिरहेको देखिन्छ ।
दशैंसम्ममा यो संख्या बढ्ने देखिन्छ ।
छुट्टीमा आउने र श्रम स्वीकृति गर्ने देखिन्छ । यस्तै नवीकरण गर्ने र रिइन्ट्री गर्नेको संख्या बढी देखिन्छ ।
गत आर्थिक वर्षमा १ लाख ६६ हजार ६ सय ९८ जनाले वैदेशिक रोजगारीका लागि गएका थिए ।
जसमध्ये संस्थागत (८ सय ५५ म्यानपावरबाट) रूपमा जानेको संख्या ६१ हजार ४ सय २८ रहेको थियो । यस बाहेकको संख्या यस्तै बिदामा आएर फर्किएका तथा व्यक्तिगत भिसामा गएका थिए ।
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...