माघ १८, २०८०
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
दशैंको पूर्वसन्ध्यामा चीनबाट पर्याप्त मात्रामा कपडा नआउँदा उपभोक्ताहरूले ‘पुरानै’ कपडामा चित्त बुझाउनुपर्ने भएको छ ।
चीनबाट सीमित मात्रै कपडा आयात भएकाले बजार माग धान्न व्यवसायीहरूलाई समेत धौधौ परेको छ ।
कोरोना महामारीका कारण चीनबाट धेरै मात्रामा कपडा आयात गर्न नसक्दा व्यवसायीहरूले अहिले पुरानै मौज्दात (स्टक)मा रहेको कपडा बिक्री गरिरहेका छन् ।
भृकुटीमण्डपका एक कपडा व्यवसायीले भने, ‘भन्न त अहिले नयाँ नै कपडा भनेका छौँ, तर धेरै जसो केही समयअघि ल्याएर राखिएको कपडा हो ।’
उनका अनुसार अहिले दशैंका लागि नयाँ कपडा चीनबाट निकै न्यून मात्र आएको छ ।
बजारमा २५ प्रतिशतमात्रै नयाँ कपडा
अहिले बजारमा करीब २५ प्रतिशत मात्रै कपडा चीनबाट आएको छ ।
चीनबाट निकै न्यून मात्रामा मात्रै कपडा आइरहेको हिमालय सीमापार व्यापार संघका अध्यक्ष बच्चु पौडेलले लोकान्तरलाई बताए ।
उनका अनुसार अहिले विगतका आउनेभन्दा ७५ प्रतिशत कम मात्रै आयात भएको छ । अर्थात् अहिले बजारमा २५ प्रतिशतमात्रै नयाँ चिनियाँ कपडा बिक्री भइरहेको छ ।
अहिले प्रायः व्यवसायीहरूले अघिल्लो वर्ष नबिकेको कपडा बेचिरहेका छन् ।
‘अहिले व्यापार व्यवसाय चौपट छ, समयमै सामान नआएपछि व्यवसाय त गइहाल्यो,’ लोकान्तरसँग अध्यक्ष पौडेलले भने ।
कोभिड– १९ देखि नै चीनले कन्टेनरहरू कम पठाइरहेको छ । जसका कारण अहिले पनि दैनिक रूपमा ७ देखि ९ वटामात्रै कन्टेनर आइरहेको छ ।
कन्टेनर विगतको तुलनामा निकै न्यून आउँदा आवश्यक पर्ने सामानहरू नआइपुगेको अध्यक्ष पौडेल बताउँछन् ।
उनका अनुसार विगतमा चीनबाट दैनिक करीब एक सय ५० भन्दा बढी कन्टेनरमा सामान नेपाल भित्रने गरेको थियो ।
तर कोरोना शुरू भएसँगै चीनले दिनमा सामान्यतया ७ वटा कन्टेनर पठाइरहेको छ । तर कहिलेकाहीँ भने उसले ९ वटासम्म कन्टेनर पठाइरहेको अध्यक्ष पौडेलको भनाइ छ ।
मुख्य चाडपर्वमै सामान नहुँदा समस्या
विशेष गरी ग्रामीण भेगमा दशैँमा नेपालमा नयाँ कपडा लगाउने चलन अझै पनि छ ।
गाउँमा तथा शहरमा पनि प्रायले दशैंमा नयाँ कपडा किन्ने गरेका छन् ।
यसरी कपडाको माग उच्च रहने समयमा अहिले जम्मा २५ प्रतिशतमात्रै नयाँ चिनियाँ कपडा भित्रिएका छन् ।
नेपालमा चीनबाट आयात हुने कपडाको बजार हिस्सा सबैभन्दा ठूलो छ ।
अध्यक्ष पौडेलका अनुसार नेपालको करीब ७० प्रतिशत बजार चिनियाँ कपडाले ओगटेको छ ।
बाँकी ३० प्रतिशत अन्य मुलुकबाट आयात भएका र स्वदेशी उत्पादनकै कपडा प्रयोग हुँदै आएको छ ।
सामान्य अवस्थामा नेपाली बजारमा चीनबाट दशैंमा ५० प्रतिशतभन्दा बढी कपडा आयात हुने गरेको थियो ।
अध्यक्ष पौडेल भन्छन्, ‘करिब १० महिनामा ५० प्रतिशत कपडा चीनबाट आयात हुन्थ्यो । बाँकी ५० प्रतिशत दशैंतिहारमा मात्रै आयात हुन्थ्यो ।’
तर अहिले त्यो परिणाम घटेर २५ प्रतिशतमा झरेको उनको भनाइ छ ।
कन्टेनर थप्न पहल
बजारमा मालसामानको अभाव भएसँगै सरोकारवालाहरूले कन्टेनर थपेर सहज पारिदिन चिनियाँ पक्षलाई आग्रह गरिरहेका छन् ।
हिमालय सीमापार व्यापार संघका अध्यक्ष पौडेल अहिले विभिन्न सरोकारवाला निकायलाई आफूहरूले भनिरहेको भएपनि कन्टेनरमा चीनले लचिलो नीति नलिएको सुनाउँछन् ।
उनले भने, ‘हामीले सबैसँग परामर्श गरिरहेका छौँ, सहजीकरणका लागि पहल गरिदिन भनिरहेका छौँ । तर चाडबाडको मुखमै यो काम भएको छैन ।’
उनले अहिले कन्टेनर संख्या १५ देखि २० वटासम्म बनाउन आफूहरूले पहल गरिरहेको समेत बताए ।
आश्वासन आएको छ– रसुवा भन्सार
रसुवा भन्सार कार्यालयका प्रमुख भन्सार अधिकृत रामप्रसाद रेग्मीले अहिले कन्टेनर संख्या बढाउन पहल भइरहेको लोकान्तरलाई जानकारी दिए ।
उनका अनुसार कोभिड अगाडि नेपाली कन्टेनर नै केरुङमा पुगेर सामान ल्याउँदथे ।
विगतमा दैनिक साढे २ सयभन्दा बढी कन्टेनरले सामान ल्याउने गरेकोमा अहिले सो संख्या ९ मा सीमित छ ।
‘पहिला अढाइ सयभन्दा बढी कन्टेनरले सामान ल्याउने ठाउँमा अहिले जम्मा ७ देखि ९ कन्टेनरले सामान ल्याएको छ,’ प्रमुख कर अधिकृत रेग्मीले भने, ‘यसबाट त व्यवसायीहरूको सामान रोकिइरहेको छ भन्ने सिधै देखिन्छ ।’
अहिले यो संख्या बढाउन पहल भइरहेको समेत प्रमुख कर अधिकृत रेग्मीले बताए ।
‘अहिले परराष्ट्र मन्त्रालय र वाणिज्य मन्त्रालयमार्फत पनि सहजीकरणका निम्ति पहल भइरहेको छ,’ उनले भने ।
उनका अनुसार नेपालको चाडपर्व लक्षित सामान सहज रूपमा उपलब्ध गराउनका लागि केही दिनमा नै कन्टेनर संख्या बढाउने आश्वासन चिनियाँ पक्षले दिएको छ ।
अहिले भइरहेको पहलमा बिहान र दिउँसो २ पटक गरेर १४ वटा कन्टेनर पुर्याउने बताइएको छ ।
‘बिहान एक शिफ्ट ७ वटा कन्टेनर पठाउने र दिउँसो पनि ७ वटा कन्टेनर पठाउन हामीले आग्रह गरेका छौँ, उताबाट पनि सकारात्मक जवाफ आएको छ,’ उनले भने ।
उनले दशैं अगाडि नै कन्टेनर थपिनेमा भने आशंका व्यक्त गरे । ‘ल्हासाबाट २/४ दिनमा नै कन्टेनर पठाउने भनिएको छ, यताउता गर्दा दशैं नसकिएला भन्न सकिन्न ।’
भन्सार विभाग भन्छ– समस्या छैन
यता भन्सार विभागले भने अहिले चीनसँगको नाकामा समस्या नभएको जनाएको छ ।
भन्सार विभागका निर्देशक पुण्य विक्रम खड्काले अहिले नाकामा समस्या नरहेको बताए ।
उनले तातोपानी भन्सारसम्म आउने कन्टेनरको संख्या पनि असोज ७ गतेदेखि थपिएको जानकारी दिए ।
सूचना अधिकारी समेत रहेका खड्काले भने, ‘तातोपानी नाकामा पहिला १० वटा मात्रै कन्टेनर आउने गरेको थियो । तर अहिले ३० वटा कन्टेनर आउने गरी सहमति भएको छ ।’
यस्तै रसुवागढीतर्फ पनि गाडीहरू थप्नका लागि उनीहरू सकारात्मक रहेको पाइएको उनले बताए ।
उनले भने, ‘पछिल्ला दिनहरूमा चीनबाट आयात हुने सामान कन्टेनर अभावमा रोकिएको जस्तो लाग्दैन, अहिले समस्या छैन ।’
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...