१० साउन २०८३, आइतबार
अमेरिकाको म्यानह्याटनमा एक महिलाले ट्राफिक जाममा फसेको टेस्ला विद्युतीय कारमै आइतवार बच्चा जन्माएकी छन् ।
अस्पताल जाँदै गर्दा ट्राफिक जामका कारण कार अड्किएपछि महिलाले त्यहीँ बच्चा जन्माएकी हुन् ।
कालो रंगको एक्स मोडलको विद्युतीय कारको पखेटा जस्तो ढोका भएकाले त्यसबाट झरी ती महिला र नवजात शिशुलाई म्यानह्याटनको गार्मेन्ट डिस्ट्रिक्टमा रहेको गुड्ने स्ट्रेचर (गर्नी)मा बस्न सजिलो भयो ।
कारमा बसिरहेकी महिलालाई स्वास्थ्यकर्मीहरूले टेस्लाबाट निकालेर गर्नीमा राखेका थिए ।
पछि महिला र नवजात शिशुलाई न्युयोर्कको अस्पताल लगिएको थियो र दुवैको अवस्था सामान्य रहेको प्रहरीले बतायो । उनीहरूको नाम सार्वजनिक गरिएको छैन ।
त्यो टेस्ला कारको मूल्य १ लाख ५ हजार डलर छ ।
