×

NMB BANK
NIC ASIA

सन्दर्भ : कांग्रेस महाधिवेशन

८० वर्षको उमेरसम्म चल्ने देउवाको दोस्रो इनिङ्स

देउवा दोहोरिँदा प्रचण्ड र ओली दुवैलाई फाइदा

मंसिर २९, २०७८

NTC
Sarbottam
Premier Steels
Marvel

प्रधानमन्त्री तथा मन्त्रिपरिषद्को कार्यालयको बेवसाइटमा राखिएको विवरणअनुसार दोस्रोपटक कांग्रेसको सभापति बन्दै गर्दा शेरबहादुर देउवा ७५ वर्ष (जन्मः १९४६ अर्थात् २००३ जेठ ३१ गते)मा चलिरहेका छन् । कांग्रेस सभापतिको दोस्रो कार्यकाल सकिने बेलामा उनी ८० कटेर ८१ वर्षमा लागेका हुनेछन् । 

Sagarmatha Cement
Muktinath Bank

नेपाली कांग्रेसको विधानअनुसार सभापतिको कार्यकाल चार वर्षको हुन्छ । तर, असाधारण अवस्थामा एक वर्ष म्याद थप गर्न सकिने व्यवस्था छ । 


Advertisment
RMC TANSEN
IME BANK INNEWS
shivam ISLAND

विधानमा भएको सुविधालाई उपयोग गर्दै प्रायः सभापतिले समय थपेर कार्यकाल लम्ब्याउँदै आएका छन् । पार्टीको दर्ता खारेज हुने अवस्थामा मात्र कांग्रेसको महाधिवेशन हुने गरेको छ । अन्य कुरा यथावत रहेमा कांग्रेसको महाधिवेशन अब २०८३ सालमा हुनेछ । जतिबेला शेरबहादुर देउवा ८० पुगेर ८१ वर्षमा लागिसकेका हुनेछन् । 


Advertisment
Nabil box
Kumari

कांग्रेसको ज्येष्ठ सभापतिको रेकर्ड भने गिरिजाप्रसाद कोइरालाले कायम गरेका थिए । २०६६ चैत ७ गते ८५ वर्षको उमेरमा निधन हुँदासम्म सभापति कोइराला नै थिए । त्यसपछि सभापति बनेका सुशील कोइराला २०७२ माघ २६ गते ७६ वर्षको उमेरमा निधन हुने बेलासम्म सभापति रहे । संस्थापक बीपी कोइरालाई अपवाद मान्दा ७० वर्षको उमेरमा नेतृत्वमा पुग्ने र ८० वर्षको उमेरसम्म नेतृत्वमै रहिरहने देखिन्छ । 

Vianet communication
Laxmi Bank

देउवा मात्र होइन अहिले सभापतिको प्रतिस्पर्धामा रहेका नेताहरूको उमेरले डाँडो काट्ने छ । अहिले ‘युवा’ नेता रहेका गगन थापा समेत १५ औं महाधिवेशनको बेलामा ५० वर्षमा प्रवेश गर्नेछन् । 

प्रचण्ड–ओलीलाई अनुकूलता

नेपाली कांग्रेसको सभापतिमा शेरबहादुर देउवा विजयी हुँदा त्यसको प्रत्यक्ष फाइदा भने कांग्रेसका प्रतिस्पर्धी पार्टीलाई हुनेछ ।

माओवादी केन्द्रका अध्यक्ष पुष्पकमल दाहाल ‘प्रचण्ड’ले कांग्रेस महाधिवेशनको उद्घाटन कार्यक्रममा सहभागी भएर एक्लै नहिँड्न कांग्रेसलाई सुझाव दिएका थिए । अहिलेको गठबन्धन आमनिर्वाचनसम्म नै कायम रहोस् भन्ने प्रचण्डको चाहना छ । देउवा स्वयंले आफू पराजित भए प्रधानमन्त्रीबाट हटाउने, वर्तमान सत्ता गठबन्धन ढल्ने भन्दै कार्यकर्तालाई सेन्टिमेन्टल बनाएका थिए । 

माघमा हुने राष्ट्रिय सभाको निर्वाचनसम्म सहकार्य गर्न भनेर कांग्रेस वरिष्ठ नेता रामचन्द्र पौडेलको नेतृत्वमा उच्चस्तरीय राजनीतिक संयन्त्र समेत बनिसकेको छ । महाधिवेशन अघिसम्म देउवाले गठबन्धनको सहकार्य राष्ट्रिय सभा चुनावसम्म हुने बताएका थिए । 

प्रचण्डको चाहनाचाहिँ वर्तमान गठबन्धन चुनावसम्म लैजाने छ, चाहे अर्ली होस् या आवधिक चुनाव नै किन नहोस् । गठबन्धनमा दोस्रो तहका नेताहरूको भनाइ अनुसार प्रभावशाली नेताहरूको ठाउँमा कम्तिमा दश सीटमा तालमेल गर्न गृहकार्य भइरहेको छ ।

देउवा निर्वाचित हुँदा एमाले अध्यक्ष ओलीले पनि लाभ देखिरहेका छन् । सभापतिमा निर्वाचित भएपछि स्वाभाविक रूपले आगामी निर्वाचनमा प्रधानमन्त्रीको उम्मेदवार देउवा बन्ने छन् । देउवालाई प्रधानन्त्रीको रूपमा अगाडि सारेर जाँदा जनताले नपत्याउने र त्यसको लाभ आफूले पाउने ओलीको विश्लेषण छ । राजनीतिक परिस्थितिभन्दा ज्योतिषशास्त्रमा भर गर्ने देउवाको अझै दुईपटक प्रधानमन्त्री बन्ने योग रहेको ज्योतिषीले बताइसकेका छन् । फेरि पनि कांग्रेसले देउवालाई अगाडि सार्दा एमालेलाई फाइदा नै छ । एमाले अध्यक्ष केपी शर्मा ओली र देउवा व्यक्तिगत रूपमा पनि नजिक छन् । मंसिर १० मा चितवनमा पुगेर देउवाले सँगै जेल बसेको साथी भनेर ओलीको प्रशंसा गरे । मंसिर २४ मा भृकुटीमण्डपमा आएर ओलीले पनि देउवाको प्रशंसा गरे । भलै ओली हिँडेपछि देउवाले ‘ओलीको त्रासबाट मुक्ति दिएको’ भन्दै कार्यकर्तासँग भोट मागे ।

पहिलो प्रतिनिधि सभा विघटनमा देउवाको मौनतलाई कांग्रेसभित्रकै कतिपयले ओलीसँगको मिलेमोतोको आरोप लगाएका थिए । पहिलो प्रतिनिधि सभा विघटनमा मौन बसेर देउवाले ओलीलाई सघाएका थिए । प्रमुख प्रतिपक्षी दलको नेताको हैसियतमा देउवाले ओली सरकारको खासै आलोचना गरेनन् । बरु गगन थापा र मीनेन्द्र रिजालले संसद् तताए ।

कांग्रेसमा देउवाको पुनरागमनले दलभित्र भइरहेको नेतृत्व हस्तान्तरणको बहसलाई अस्वीकार गरिदिँदा वर्षौंसम्म पार्टीको नेतृत्वमा रहेका नेतालाई राहत महशुस भएको छ । 

देउवाका केही गुण, केही अवगुण

पाको उमेरको व्यक्ति नेतृत्वमा पुग्न हुँदैन भन्ने अवधारण गलत हो । पुरानो सोचाइको युवाभन्दा नयाँ सोचाइको वृद्धले पनि काम गर्न सक्छ भन्ने उदाहरण मोहम्मद महाथिर हुन् । जो ९२ वर्षको उमेरमा सन् २०१८ मा मलेसियाको प्रधानमन्त्री बनेका थिए ।  

विश्वको दोस्रो जनसंख्या भएको मुलुकको नेतृत्व गरेका नरेन्द्र मोदीको उमेर ७१ वर्ष छ । केही अद्भुद क्षमता र निष्ठाका कारण मोदीले सवा अर्ब जनसंख्या भएको भारतलाई नेतृत्व प्रदान गरिरहेका छन् । उमेरले ७० कटेको भएपनि उनमा युवामा जस्तै जोश र जाँगर देखिन्छ । उनले युवालाई परिचालन गरिरहेका छन् । उनको सक्रियताले उमेर बिर्साइदिन्छ । 

खराबै किन नहोस्, डोनाल्ड ट्रम्पले ७० वर्षको उमेरमा संसार हल्लाए । नेपालमा पनि उमेरले ७५ पुगेपनि कांग्रेस कार्यकर्ताले आफ्नो भविष्य देउवा सभापति हुँदा नै देखे । 

तमाम् कमजोरीका बावजुद देउवाका केही विषेषता छन् । उनी धेरै बोल्दैनन्, मंसिर २४ गते कांग्रेस महाधिवेशनको उद्घाटन शत्रमा अन्य नेताहरूले सम्बोधन र भूमिका बाँध्न लगाएको भन्दा कम समयमा देउवाले आफ्नो सम्बोधन नै सके । 

निकटस्थहरूका अनुसार देउवामा प्रतिशोधको कुनै भावना छैन । देउवाको विकल्प खोज्न भन्दै उम्मेदवारी दिएर हिँडेका विमलेन्द्र निधि र प्रकाशमान सिंहलाई आफ्नै प्यानलमा फर्काउन सक्नु त्यसैको उपज भएको कांग्रेसका एक पुराना नेता बताउँछन् । ‘२०७४ सालमा आफ्नो सरकारमा सहभागी भएको माओवादी भूमिगत शैलीमा एमालेसँग चुनावी तालमेल गर्न गएको लामो समय नबित्दै माओवादीसँग सहकार्य गर्न तत्पर हुनु एउटा उदाहरण हो,’ पार्टीको सक्रिय राजनीतिमा नरहेका कांग्रेसका एक पूर्व केन्द्रीय सदस्यले भने । 

तर देउवा पटक–पटक प्रधानमन्त्री बन्ने असवर पाएपनि कुनैपनि कार्यकाल सम्झनलायक बनेको छैन । पहिलोपटक प्रधानमन्त्री बन्दा पजेरो काण्डदेखि जम्बो मन्त्रिपरिषद् बनाएको, दोस्रोपटक प्रधानमन्त्री बन्दा संसद् विघटनमार्फत प्रजातन्त्र दरबारमा बुझाएको आरोप लाग्यो । गोर्खाली राजाबाट न्याय पाएर तेस्रोपटक प्रधानमन्त्री बनेको समयमा आफँै अपदस्तमा परे ।

चौथोपटक प्रधानमन्त्री बनेर संविधान कार्यान्वयन गराउने चुनाव गराए, तर पार्टीलाई पराजय गराएको भन्दै अपजसको भागी बने । पाँचौपटक प्रधानमन्त्री बन्दा परमादेशको शासन चलाएको, प्रधानन्यायाधीशलाई भागबण्डामा मन्त्री दिएको जस्ता आरोप लाग्यो ।

र, शेखरले पाएको १८५५ मतको अर्थ

सस्थापन इतरका रामचन्द्र पौडेल, शशांक कोइराला लगायतको असहयोगका बावजुद शेखरले सभापतिका लागि भएको दोस्रो चरणको मतदानमा १ हजार ८ सय ५५ मत प्राप्त गरे । पहिलो चरणमाभन्दा कम मत खसेपनि शेखरले झण्डै डेढ सय मत बढाए । सभापतिका सबै प्रत्यासीले देउवालाई समर्थन गरिसकेपछिको माहोलमा पनि कोइरालाले पाएको १८ सय ५५ मतको अर्थ कांग्रेसभित्रको रूपान्तरणमा व्यक्त अभिमत हो । 

निर्वाचन जस्तो उत्कृष्ट लोकतान्त्रिक प्रणालीमा पनि कहिले काहीँ भीडको निर्णय विवेकभन्दा पनि आवेगमा हुन्छ । किन्तु, शेरबहादुर देउवालाई सभापतिमा मतदान गर्नेहरू विवेकशून्य भनेको होइन ।  

रामचन्द्र पौडेल सक्रिय राजनीतिबाट पछि हटेपछि संस्थापन (देउवा) इतर समूहको नेतृत्व अब शेखर कोइरालमा सरेको छ । गगन थापा, चन्द्र भण्डारी, धनराज गुरुङलगायत कांग्रेसमा सुधारको अभियान चलाउनहरूको नेतृत्व शेखरले गर्नेछन् । पदाधिकारी कस्तो आउँछ भन्न सकिने अवस्था छैन, जति आउँछन् उनीहरूले यथास्थिनिमा रहन भने कदापी दिने छैनन् । 

पार्टी विधान संशोधन नगरी देउवा अर्को कार्यकालका लागि सभापति बन्न पाउने छैनन्, आफैँ अन्तिमपटक भनेका पनि छन् । तर देउवा ८० मा पुग्दै गर्दा गगन थापा पुस्ताले कांग्रेसलाई यथास्थितिमा चलाउन भने दिने छैन ।

hAMROPATRO BELOW NEWS
TATA Below
मंसिर २६, २०८०

दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...

माघ १५, २०८०

अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...

पुस १८, २०८०

देशका विभिन्न शहरमा गरिब–मजदूरहरूले छाक काटेर सहकारीमा जम्मा गरेको पैसा बदनियतपूर्ण ढंगले हिनामिना गरेर टेलिभिजनमा लगानी गरेको विषयले बजार तातिरहेको छ, जसमा जोडिएका छन् रास्वपा सभापति रवि लामिछाने...

मंसिर १९, २०८०

कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...

पुस ६, २०८०

एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...

माघ १८, २०८०

सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x