२२ असार २०८३, सोमबार
एलियनको अस्तित्वलाई लिएर विश्वभर बहस चलिरहेको छ । वैज्ञानिकहरूले एलियनहरू वास्तवमै छन् कि छैनन् भनेर पनि अनुसन्धान गरिरहेका छन् ।
विश्वभर एलियन्स र यूएफओका बारेमा विभिन्न दाबी गरिन्छ तर केही समययता एलियन्सको अस्तित्वको चर्चाले तीव्रता दिएको छ । फेरि एक पटक एलियन्सबारे चकित पार्ने दाबी गरिएको छ ।
अहिले टर्कीबाट केही रहस्यमय तस्वीरहरू बाहिर आएका छन्, जसलाई देखेर मानिसहरू छक्क परेका छन् । यहाँ एलियन्सले दिउँसो नै आकाशबाट चम्किलो प्रकाश पठाएको दाबी गरिएको छ ।
मानिसले फिल्ममा मात्रै यस्तो दृश्य देखेका थिए । यहाँ दिउँसो आकाशबाट चम्किलो प्रकाश आएको देखेर मानिसहरू भने छक्क परेका छन् ।
कतिपय मानिसहरूले एलियन्सले आकाशमा चम्किलो बत्ती बालेको बताउँछन् ।
भएको के हो ?
आकाशबाट जमिनमा परेको चम्किलो प्रकाश करीब ३ घण्टासम्म देखिएको थियो ।
यस्तो उज्यालो यसअघि कहिल्यै नदेखेको स्थानीय बताउँछन् ।
यी तस्वीरहरू जिग्ना गुमुस्कायाक स्की सेन्टरले खिचेका हुन् जुन समुद्रमाथि करीब २१ सय मिटरको उचाइमा देखिएको थियो ।
स्की सेन्टरका प्रवक्ता अब्दुल्लाह एरोग्लुले यस्तो उज्यालो यसअघि कहिल्यै नदेखेको बताए ।
यद्यपि धेरै वैज्ञानिकहरूले भने कि यो क्रेपस्कुलर रेज हो । यो उज्यालो बादलको एक ठाउँबाट तल आउने गर्छ, यो बेलाबेलामा देखिने गर्छ र यसलाई एलियन्ससँग जोड्नु ठीक नभएको वैज्ञानिकहरू बताउँछन् ।
