२९ असार २०८३, सोमबार
बलिउडका डिस्को किङ बप्पी लाहिडीको देहान्त बुधवार मुम्बईको क्रिटीकेयर अस्पतालमा भएको छ ।
सन् १९८० र १९९० को दशकमा लोकप्रिय संगीत दिएका बप्पी ६९ वर्षका थिए । अनेकौं स्वास्थ्य समस्याका कारण उनको निधन भएको हो ।
उनी जतिखेर पनि सुनका गहनाहरू लगाएर हिँड्ने भएकाले उनलाई गोल्ड म्यान भनेर पनि चिनिन्थ्यो । सुन आफ्नो लागि सौभाग्यशाली भएको उनको मान्यता थियो ।
सुनबाहेक पनि बप्पीसँग करोडौंको बंगला र विलासी गाडी थिए ।
भारतीय सञ्चामाध्यमहरूमा आएको खबरअनुसार, बप्पीको कुल सम्पत्ति २२ करोड भारु छ । उनी प्रत्येक गीतका लागि १० लाख भारु तिराउँथे ।
बप्पीले आफूसँग ७५४ ग्राम सुन भएको जानकारी सन् २०१४ मा लोकसभा चुनाव लड्ने क्रममा भरेको एभिडेविटमा उल्लेख थियो । त्यतिखेर त्यति सुनको मूल्य लगभग १७ लाख भारु थियो ।
संगीतबाहेक बप्पीले रियालिटी टीभी शो, लाइभ पर्फर्मेन्स र अभिनयबाट पनि पैसा कमाउने गरेका थिए ।
बप्पी मुम्बईमा निकै विलासी घरमा बस्थे । सन् २००१ मा उनले उक्त घर किनेका थिए । त्यस विलासी घरको मूल्य ३ करोड भारु भएको बताइएको छ ।
