२० असार २०८३, शनिबार
नेपालको अग्रणी भुक्तानी प्रणाली सञ्चालक फोनपे पेमेन्ट सर्भिस लिमिटेडको प्रमुख कार्यकारी अधिकृतमा दिवस सापकोटा नियुक्त भएका छन् ।
फोनपेको सञ्चालक समितिले बुधबारदेखि लागु हुनेगरी सापकोटालाई सिइओको रुपमा नियुक्त गरेको हो ।
सापकोटा फोनपेमै एसिस्टेन्ट सीईओका रुपमा कार्यरत थिए ।
सापकोटाले फोनपेमा सुरुमा प्रमुख टेक्नोलोजी अफिसरका रुपमा काम सुरु गरेका थिए ।
उनी यसअघि नेपाल क्लियरिङ हाउसमा आबद्ध थिए ।
एभरेष्ट बैंकबाट आफ्नो करियर शुरू गरेका सापकोटासँग डिजिटल भुक्तानी र आइटी क्षेत्रमा १५ वर्ष भन्दा लामो अनुभव छ । आइटी देखि व्यवस्थापनमा भएको सापकोटाको अनुभव तथा विज्ञताले फोनपेलाई अझ धेरै उचाइमा पुर्याउने विश्वास लिइएको कम्पनीले जनाएको छ ।
