गूगलले युरोपेली संघका ३०० भन्दा बढी सञ्चारमाध्यमहरूको समाचार आफ्नो सर्च इन्जिनमा राखेबापत पैसा तिर्ने सहमति गरेको छ । 

जर्मनी, हंगेरी, फ्रान्स, अस्ट्रिया र नेदरल्यान्ड्स लगायत देशका प्रकाशकहरूसँग सम्झौता गरेको गूगलले सोमवार एक ब्लगपोस्ट लेखेर जानकारी दियो । गूगलले ठ्याक्कै कति पैसा तिर्ने भनी खुलाएको छैन । 

सन् २०१९ देखि लागू गरिएको युरोपीयन कपीराइट डाइरेक्टिभले ईयूभित्रका प्रकाशकहरूलाई सामग्री प्रकाशित गरेबापत क्षतिपूर्ति दिने सुनिश्चित गराएको थियो । अन्लाइन प्ल्याटफर्महरूले सामग्री गरेपिच्छे मिडियालाई पैसा तिर्नेछन् । 

ईयूबाहिर अस्ट्रेलियाले पनिसामग्रीप्रदायकहरूलाई पैसा तिर्न ठूला प्राविधिक कम्पनीहरूलाई बाध्य बनाएको छ । सन् २०२१ को शुरूमा फेसबूक इन्कले अस्ट्रेलियाको न्युज कर्पसँग वर्षौंसम्मको सम्झौता गरेको छ । फेसबूकले उक्त मिडियाको सामग्री आउँदा पैसा तिर्नेछ ।