३० असार २०८३, मंगलबार
गुल्मी जिल्लाको सदरमुकाम रहेको रेसुङ्गा नगरपालिकामा कांग्रेसले मतान्तर बढाउँदै लगेको छ ।
शनिवार राति ९ बजेको नतिजा अनुसार कांग्रेस उम्मेदवार खिलध्वज पन्थीले ७ हजार २ सय ९८ मत प्राप्त गरेका छन् ।
नेकपा एमालेका राजेन्द्रप्रसाद पाण्डेले ६ हजार १ सय ३ मत प्राप्त गरेका छन् । दुईबीचको मतान्तर १ हजार १ सय ९५ छ । नगरपालिकाका अधिकांश वडामा कांग्रेस उम्मेदवार विजयी भएका छन् ।
पन्थी कांग्रेसको जिल्ला सभापति हुन् । एमाले उम्मेदवार रहेका पाण्डे वरिष्ठ इन्जिनियर हुन् । सरकारी जागिरबाट विदा लिएर मेयरमा प्रतिष्पर्धा गरेका थिए ।
नेकपा एमालेका उपमहासचिव प्रदीप ज्ञवाली र नेपाली कांग्रेसका नेता डा. चन्द्र भण्डारीको निर्वाचन क्षेत्र पर्छ । रेसुङ्गामा २०७४ सालको निर्वाचनमा नेकपा एमाले विजयी भएको थियो ।
