२१ असार २०८३, आइतबार
वैशाख ३० गते स्थगन भएको १४ मतदान केन्द्र तथा उम्मेदवार मृत्यु भएको दुई पालिकामा मंगलवार मतदान जारी छ ।
निर्वाचन आयोगका सहायक प्रवक्ता सूर्यप्रसाद अर्यालका अनुसार वैशाख ३० गते अवरुद्ध भएको ६ जिल्लाको १४ मतदान केन्द्रमा आज बिहान ७ बजेदेखि मतदान जारी रहेको हो ।
स्थगन भएको मध्ये कञ्चनपुर पुनर्वासको ३ मतदान केन्द्र, काभ्रेको पाँचखालको २, बाजुराको बुढीनन्दाको १, अछामको पचदेवलको २ , सिरहाको गोलबजारको ४ र सर्लाहीको वरहथवाको २ मतदान केन्द्रमा मतदान जारी छ ।
त्यसै गरी उम्मेदवारको मृत्यु भएका कारण चुनाव नभएको दाङको तुलसीपुर-१७ र कपिलवस्तुको महराजगंज नगरपालिकामा मतदान भइरहेको अर्यालले लोकान्तरलाई जानकारी दिए ।
