२२ असार २०८३, सोमबार
६० वर्षीय बुवा धननारायण सुनारको हत्या गरेको अभियोगमा उनकै छोरा पक्राउ परेका छन् ।
पक्राउ पर्नेमा गङ्गाजमुना गाउँपालिका-४ यार्सा बस्ने ३५ वर्षीय सुजन सुनार छन् । उनलाई शनिबार दिउँसो पक्राउ गरिएको प्रहरीले जनाएको छ ।
सुजनले फलामको रड प्रहार गर्दा धननारायण गम्भीर घाइते भएको भन्ने खबर प्राप्त हुनासाथ इलाका प्रहरी कार्यालय फुलखर्कबाट खटिएको प्रहरीले उनलाई पक्राउ गरेको हो ।
गम्भीर घाइते भएका धननारायणको ग्रामीण अस्पताल फुलखर्कमा उपचारका क्रममा मृत्यु भएको हो ।
थप अनुसन्धान भइरहेको प्रहरीले जनाएको छ ।
