आगामी आर्थिक वर्षको बजेट आउने साताको अन्तिम दिनको कारोबारमा शेयर बजार १५.८२ अंकले घटेको छ । 

चुनावी परिणाम करीब सकिएको र आगामी आर्थिक वर्षको बजेट तयारी भइरहँदा शुक्रवार भएको शेयर कारोबार ०.७१ प्रतिशतले घटेर २२२३.७८ बिन्दुमा झरेको छ । 

बजार घटेको दिन नेप्सेमा सूचीकृत कम्पनीमध्ये २२३ वटाको ४१ लाख ४० हजार कित्ता शेयरको २१ हजार पटक कारोबार भएको छ । यसबाट जम्मा १ अर्ब २९ करोड रूपैयाँको मात्रै कारोबार भएको छ । 

आज सबैभन्दा बढी कमाउनेमा रुरु जलविद्युत् कम्पनीको ६.१३ प्रतिशत छ । आज नारायणी डेभलपमेन्ट बैंक, उपकार लघुवित्त वित्तीय संस्था, युनाइटेड आईडीआई मार्दी हाइड्रोपावरसहितको कम्पनीको शेयर मूल्य ५.३१ प्रतिशतसम्मले बढेको छ । 

बजार घटेको दिन सबैभन्दा बढी गुमाउनेमा भने दिव्यश्वरी हाइड्रोपावर रहेको छ । यसको शेयर मूल्य आज ३.७५ प्रतिशतले घटेको छ । 

हिमाल दोलखा हाइड्रोपावर, कर्णाली विकास बैंक, माथिल्लो तामाकोशी, लिबर्टी इनर्जीसहितका कम्पनीको शेयर मूल्य भने ३.७४ प्रतिशतसम्मले घटेको छ । 

आज प्रभु बैंकको सबैभन्दा बढी रकम १७ करोड ६० लाख रूपैयाँको शेयर कारोबार भएको छ । यसको आज ८ लाख ८० हजार कित्ता शेयरको कारोबार भएको पनि नेप्सेमा उल्लेख छ ।