०१ साउन २०८३, शुक्रबार
कुमारी बैंक लिमिटेडले १० वर्षे अवधि तथा वार्षिक ११% व्याजदर भएको ‘केविएल डिवेन्चर २०८९’ ऋणपत्र विक्रिका लागी सिद्धार्थ क्यापिटल लिमिटेडसँग सम्झौता गरेको छ ।
बिक्री प्रबन्धकमा सिद्धार्थ क्यापिटल लिमिटेड रहेको उक्त डिवेन्चर (ऋणपत्र) प्रति कित्ता अंकित मूल्य १ हजार रुपैयाँको दरले ३० लाख कित्ता गरी ३ अर्ब रुपैयाँ बराबरको ऋणपत्र बैंकले निष्काशन गर्ने सम्बन्धमा सम्झौता भएको हो ।
सम्झौता पत्रमा कुमारी बैंकका प्रमुख बजार व्यवस्थापन नवीन मुनि बज्राचार्य र सिद्धार्थ क्यापिटलका तर्फबाट प्रमुख संचालन अधिकृत सन्दिप कार्कीले हस्ताक्षर गरेका हुन् ।
नेपाली वित्तीय क्षेत्रमा हालसम्मकै उच्चतम व्याजदर दिने मध्येमा सो ऋणपत्र पर्दछ ।
