२८ असार २०८३, आइतबार
भारतको गुजरातमा बस्ने क्षमा बिन्दुले आफैंसँग विवाह गरेकी छन् ।
बुधवार उनले आफैंलाई सिन्दूर लगाएर विवाह गरेकी हुन् ।
यस्तो विवाहलाई सोलोगेमी भनिन्छ ।
हिन्दू धर्ममा यस्तो किसिमको विवाहको प्रावधान नभएकाले क्षमाको कदम विवादित बनेको छ । उनलाई मन्दिरमा विवाह गर्न नदिने चेतावनी पनि दिइएको थियो ।
त्यसपछि उनले घरमै हिन्दू रीतिरिवाजका साथ विवाह गरेकी थिइन् । यस विवाहमा दुलाहा र जन्ती थिएनन् । अनि विवाह गराउने पण्डित पनि थिएनन् ।
विवाह समारोहमा क्षमाका परिवारका सदस्य र नजिकैका साथीहरू उपस्थित थिए ।
भारतमा पहिलोपटक यस्तो विवाह गरिएको हो ।
क्षमालाई अविवाहित रहन मन थियो तर परम्पराको निर्वाहका लागि उनले आफूसँगै विवाह गर्ने निर्णय लिइन् ।
एक निजी कम्पनीमा जागिर खाने क्षमाका मातापिता उदारवादी छन् । उनीहरूले छोरीलाई इच्छा पूरा गर्न दिए ।
विवाहपछि हनीमूनका लागि क्षमा दुई हप्ता गोवा जानेछिन् ।
