भारतका कोरोना भाइरसको संक्रमण दर उच्च देखिएको छ । भारतमा पछिल्लो समय कोरोना संक्रमणको दर निकै तीव्र गतिमा बढेको हो । भारतमा पछिल्लो २४ घण्टामा २० हजारभन्दा बढी नयाँ संक्रमित थपिएका छन् । 

सरकारी अधिकारीहरूले शनिवार दिएको जानकारीअनुसार पछिल्लो २४ घण्टामा २० हजार ४०८ जना नयाँ कोराना भाइरस संक्रमितहरू थपिएका हुन् । पछिल्लो दिनको आँकडाले भारतमा कोरोना महामारीको अर्को चरण शुरू हुने देखिएको छ । 

संघीय स्वास्थ्य मन्त्रालयले भारतमा अहिलेसम्म चार करोड ४० लाख १३८ जना कोरोना भाइरसबाट संक्रमित भएको जनाएको छ । त्यसमध्ये सक्रिय संक्रमितको संख्या १ लाख ४३ हजार ३८४ जना रहेको मन्त्रालयलको तथ्यांकले देखाएको छ । 

भारतमा पछिल्लो एक दिनमा कोरोना भाइरसका कारण ४४ जनाको मृत्यु भएको छ भने अहिलेसम्म कोरोनाका कारण मृत्यु भएकाहरूको संख्या पाँच लाख २६ हजार ३१२ पुगेको छ । संक्रमणमुक्त भएकाहरूको प्रतिशत ९८.४८ रहेको मन्त्रालयले जनाएको छ ।