२१ असार २०८३, आइतबार
केही सातायता अमेरिकामा पप स्टार गायक सविन राईको लाइभ कन्सर्ट आयोजना भइरहेको छ । विभिन्न स्थानमा लाइभ कन्सर्ट आयोजना भइसकेको छ भने केही स्थानमा हुने तयारीमा छ । यसैबीच आउँदो सेप्टेम्बर ४ मा क्यालिफोर्नियाको सानफ्रान्सिस्कोमा कन्सर्ट आयोजना हुँदैछ । मानापाथी इन्टरटेनमेन्टको प्रस्तुतिमा ‘सविन राई एण्ड फारोह लाइभ ब्याण्ड कन्सर्ट’ हुन लागेको हो ।
सानफ्रान्सिस्कोस्थित कम्प्लेक्स डाउनटाउन ओकल्याण्डमा कन्सर्ट हुन लागेको हो । ‘हरियो वन नेपालको धन’ भन्ने नाराका साथ आयोजना हुने कन्सर्टमा प्रोजेक्ट टी, सात पञ्चानब्बे र समरण ब्यान्डले पनि प्रस्तुति दिनेछन् ।
कन्सर्ट स्थानीय समयअनुसार साँझ ८ बजेदेखि शुरु हुनेछ । कन्सर्टमा स्थानीय कलाकारले पनि आफ्नो प्रस्तुति दिनेछन् ।
मानापाथी इन्टरटेनमेन्टले यसअघि पनि विभिन्न सांगीतिक कन्र्सट आयोजना गर्दै आएको छ । केही समयअघि राजु लामाको लाइभ कन्र्सट पनि आयोजना गरेको थियो । राजु लामाको लाइभ ब्यान्ड कन्सर्टमा ५० हजार रुपैयाँ पहाड सरसफाइको लागि मानापाथी इन्टरटेन्मेन्टले राजु लामालाई हस्तान्तरण गरेको थियो । साथै, सुमन वाइबाको मृर्गौला प्रत्यारोपणको लागी १ हजार डलर राजु लामाको लाइभ कन्सर्टबाट जम्मा गरेर सुमन वाइबालाई हस्तान्तरण गरिएको थियो ।
गोल्डेन गेट राइड बाइकका सञ्चालक विज्ञान कोइरालाले ५ सय डलर छात्रवृत्ति विद्यार्थीलाई प्रदान गरेका छन् । विज्ञान कोइरालाले दिएको उक्त छात्रवृत्ति रिङगिन लामाले पाएकी थिइन् । टिकटको मुनाफाको १० प्रतिशत नेपालमा वृक्षारोपण कार्यक्रममा खर्च गरिने जानकारी रियाल्टर राजन कँडेलले दिएका छन् । यो कन्सर्टको होस्ट सुनिता कँडेल छिन् । यसपश्चात सविन राईले अमेरिकाका अन्य स्थानमा पनि कन्सर्ट गर्नेछन् ।
