भिसा इन्टरनेशसनले कुमारी बैंकलाई ‘एक्सिलेन्स इन ई–कमर्श बिजनेस २०२२’ अवार्ड प्रदान गरेको छ । भिसाले आयोजना गरेको लिडर्स कन्क्लेभ पेमेन्ट इनोभेसन फर डिजिटल नेपाल कार्यक्रममा कुमारी बैंकलाई सो अवार्ड प्रदान गरिएको हो । 

यो अवार्ड कुमारी बैंकलाई अभिनव उत्पादन र कार्ड भुक्तानी उद्योगमा उच्चतम ई–कमर्श व्यवसायको मात्रा  हासिल गरेकाले प्रदान गरिएको हो । 

स्थापनाकालदेखि नै बैंकिङ सेवा सुविधामा आधुनिक डिजिटल प्रणालीलाई आत्मसाथ गर्दै अघि बढेको र आगामी दिनहरूमा पनि आफ्ना सेवाहरूको प्रभावकारिता तथा पहुँच वृद्धिका लागि डिजिटल सामथ्र्य सुदृढीकरणमा दत्तचित्त भएर अघि बढ्ने प्रतिबद्धता कुमारी बैंकले जनाएको छ ।

हाल कुमारी बैंकले देशव्यापी १९८ शाखा सञ्जाल, १९४ एटीएम, ५० शाखारहित बैंकिङ इकाइ तथा २४ एक्सटेन्सन काउन्टरबाट अत्याधुनिक सेवासुविधाहरु प्रदान गर्दै आएकोे छ ।  आगामी दिनमा अझ सुरक्षित, सुलभ तथा उत्कृष्ट सेवा प्रदान गर्न डिजिटल पूर्वाधार प्रविधि र क्षमतालाई सुदृढ पार्दै लग्ने प्रतिबद्धता कुमारी बैंकले जनाएको छ ।