हिमालयन बैंक लिमिटेडले काठमाडौंको न्युरोड शाखामा क्यास डिपोजिट मशिन सञ्चालनमा ल्याएको छ ।

गत भाद्र २७ देखि बैंकले सो मशिन सञ्चालनमा ल्याएको आइतवार एक प्रेस विज्ञप्ति जारी गर्दै जानकारी दिएको छ । 

बैंकका अनुसार, यस मशिनबाट सेवाग्राहीले कुनै पनि समयमा कुनै झंझट बिना नै खातामा रकम जम्मा तथा झिक्न सक्नेछन् । 

सो मेसिनबाट रकम जम्मा गर्दा बिना एटीएम कार्ड नै सिधा खाता नम्बर प्रविष्ट गरी जम्मा गर्न सकिन्छ । 

मेसिनबाट जम्मा गरिएको सो रकम तत्कालै खातामा जम्मा हुनेछ जसले गर्दा खातावालाले तुरुन्तै कारोबार गर्न सक्नेछन् । 

हिमालयन बैंकको यस सुबिधाले बैंकका ग्राहकहरुलाई बैकिङ्ग कारोबारको समय अघि–पछि पनि थप सुबिधा मिल्ने बैंकले जनाएको छ ।