विजयादशमी नेपालमा मात्र हैन भारतमा पनि हर्षोल्लासका साथ मनाइन्छ।

यो पर्वले असत्यमाथि सत्यको विजयको सङ्केत गर्छ । यस अवसरमा भारतमा विशेषगरी रावणको पुत्ला दहन गरिन्छ ।

यस दिन भगवान रामले रावणलाई मारेर माता सीतालाई मुक्त गरेका थिए। तर भारतमा केही यस्ता ठाउँहरू छन् जहाँ मानिसहरूले रावणलाई जलाउँदैनन्, उनको पूजा गर्छन्।

उत्तर प्रदेशको एउटा गाउँमा रावणको मन्दिर छ र यहाँ दशाननको पुत्ला जलाइएको छैन ।

धार्मिक मान्यता अनुसार भगवान रामको जन्म उत्तर प्रदेशको अयोध्यामा भएको थियो ।

कतिपयले रावणको जन्म उत्तर प्रदेशको गौतम बुद्ध नगर जिल्लाको बिसराख गाउँमा भएको मान्छन् । यो गाउँ भारतको राजधानी दिल्लीबाट ४० किलोमिटरको दूरीमा अवस्थित छ।

यहाँका मानिसहरू रावणलाई आफ्नो पुर्खा मान्छन् ।

बिसराख गाउँमा रावणको मन्दिरको चर्चा सधैं हुने गर्छ । यो गाउँ रावणको मन्दिरका लागि प्रसिद्ध छ ।

गाउँको बीचमा रावणको मन्दिर बनाइएको छ र यो मन्दिर भगवान शिवलाई समर्पित छ।

यस मन्दिरमा रहेको शिवलिंग रावणका हजुरबुवा पुलस्त्यले स्थापना गरेको विश्वास गरिन्छ । रावणका पिता र रावणले पनि शिवलिंगको अगाडि तपस्या गरेको रामायणमा उल्लेख छ ।

रावण शिवभक्त थिए ।