चर्चित देउडा गायिका रेखा जोशीको स्वरमा ‘शिरफुल–सुनका बाला २’ गीत सार्वजनिक भएको छ । 

शुक्रवार सार्वजनिक गीतमा राजेन्द्र भट्ट (मिष्टर आरजे)को शब्द तथा संगीत छ । 

मोहित मुनालले गीतको संगीत संयोजन गरेका हुन् । 

रेखाको स्वरमा यो गीतको अडियो कर्णप्रिय छ । भिडियोमा अभिनेत्री लक्ष्मी बर्देवा र अभिनेता जीवन भट्टराईको रियल जोडीको जीवन्त अभिनय हेर्न सकिन्छ । 

अडियोको भावमा लक्ष्मी र जीवनले भिडियोमा अभिनय गरेका छन् ।

भिडियोमा लक्ष्मी र जीवनको साथमा अश्विनी बर्देवाको अभिनय छ । 

लक्ष्मी र जीवनकै निर्देशन रहेको भिडियोलाई बुद्ध लामाले छायाँकन, विष्णु खड्काले सम्पादन गरेका हुन् ।

सुदूरपश्चिमकी एक महिलाले काठमाडौंमा व्यापार गर्न गएका आफ्ना श्रीमानलाई सम्झिएर पोखेको भावनामा गीत र भिडियो तयार पारिएको हो ।