०६ साउन २०८३, बुधबार
बलिउड अभिनेता रणवीर कपुर र आलिया भट्टको फिल्म ‘ब्रह्मास्त्र’ रिलिज भएको केही दिन बितिसक्दा पनि चर्चाको विषय बनेको छ ।
‘ब्रह्मास्त्र पार्ट वन शिवा’ सिनेमाघरमा हेरेपछि दर्शकले अहिले ओटीटीमा हेरिरहेका छन् ।
अयान मुखर्जीद्वारा निर्देशित ब्रह्मास्त्र नोभेम्बर ४ मा ओटीटी प्लेटफर्ममा रिलिज भएको थियो।
अहिले यो फिल्मको अर्को सिक्वेलको स्टारकास्टको चर्चा भइरहेको छ ।
‘ब्रह्मास्त्र २’ मा दीपिका पादुकोण देखिने कि नहुने भन्ने चर्चा शुरूदेखि नै छ ।
सामाजिक सञ्जालमा दीपिका पादुकोणको एउटा भिडियो सार्वजनिक भएको छ, जसलाई ब्रह्मास्त्र पार्ट २ भनिएको छ ।
यस भिडियोमा दीपिका पादुकोण बच्चालाई काखमा बोकेर बसेको स्पष्ट देखिन्छ ।
यससँगै शाहरुख खान र दीपिका ब्रह्मास्त्र पार्ट २ मा देखिने चर्चा शुरू भएको छ ।
ओटीटीमा ब्रह्मास्त्र रिलिज भएपछि सानो शिवलाई काखमा लिने महिला अरु कोही नभई दीपिका पादुकोण हुन् भन्ने स्पष्ट भएको छ ।
यस फिल्मको सिक्वेलमा यो फिल्म देवको चरित्रको वरिपरि घुम्ने बताइएको छ ।
देव अरु कोही नभई शिव (रणबीर कपूर) को बुबा हुन्, जसलाई यो भूमिका शाहरुख खानले निभाउने दाबी गरिएको छ।
देवकी पत्नी अमृता (दीपिका पादुकोण) हुनेछिन् ।
जो ब्रह्मास्त्रको रक्षा गर्दै देखिनेछन्। ब्रह्मास्त्र तीन भागमा बनाइने बताइएको छ ।
मुखर्जीले आफैंले ब्रह्मास्त्रलाई तीन भागमा बनाउने कुरा पुष्टि गरेका छन् ।
ब्रह्मास्त्रले बक्स अफिसमा ४ अर्ब ५० करोड भारतीय रुपैयाँ कमाएको थियो ।
Here is Deepika Padukone's glimps from bhramastra part one - shiva ❤️ pic.twitter.com/0PWHvSznhp
— Deepika Files (@FilesDeepika) November 3, 2022
