मकवानपुर क्षेत्र नम्बर २(१) बाट प्रदेश सभा सदस्य पदमा सत्तारुढ गठबन्धनको तर्फका उम्मेदवार रहेकी नेकपा माओवादी केन्द्रको नेतृ कुमारी मोक्तान विजयी भएकी छन ।

मोक्तानका  निकटतम प्रतिद्वन्दी नेकपा एमालेको उम्मेदवार बिष्णुप्रसाद ढकालले १९ हजार ५ सय ५१ मत प्राप्त गर्दा उनले १९ हजार ८ सय ७३ मत प्राप्त गरिन् । मोक्तानले ३ सय २२ मतान्तरले ढकाललाई पराजित गरे । उक्त क्षेत्रमा जम्मा ४६ हजार ५३ मत खसेको थियो । विजयी भएकी मोक्तान गत २०७४ को निर्वाचनमा पनि प्रदेश सभातर्फ सोही क्षेत्रबाट निर्वाचित भएकी थिइन् । 

उनी बागमती सरकारी प्रदेश सामजिक विकास मन्त्री समेत हुन् । 

मकवानपुर क्षेत्र नं २(१) बाट सत्तारुढ गठबन्धनतर्फ नेपाली कांग्रेसका प्रदेश सभापति ईन्द्रबहादुर बानियाँ निर्वाचित भएका थिए ।