२५ जेठ २०८३, सोमबार
सर्लाही–३ प्रदेशसभा (२) मा जनता समाजवादी पार्टी (जसपा)का सञ्जय यादव विजयी भएका छन् । उनले स्वतन्त्र उम्मेदवार सरोजकुमार रायलाई करिब पाँच हजार मतान्तरले पराजित गर्दै दोस्रो पटक प्रदेशसभा सदस्यमा निर्वाचित भएका हुन् ।
यादवले १३ हजार एक सय ९० मत प्राप्त गरी विजयी हुँदा उनका निकटतम प्रतिद्वन्द्वी रायले आठ हजार तीन सय ४८ मत मात्र पाए ।
यादवले चार हजार आठ सय ४२ मतान्तरले रायलाई पराजित गरेका हुन् । कांग्रेसका उम्मेदवार हरेसप्रसाद महतोले आठ हजार ३५ मत प्राप्त गरे ।
जिल्लाको निर्वाचन क्षेत्र नं ३ को (२) बाट जनता समाजवादी पार्टी(जसपा)बाट यादवले विसं २०७४ को निर्वाचनमा पनि विजयी भएका थिए । जिल्लामा तीन प्रदेशसभा सदस्यको अन्तिम मत परिणाम सार्वजनिक भई सकेकोे छ ।
