कात्तिक २०, २०८०
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
आइतवार बालुवाटार बैठकमा नेपाली कांग्रेससँगको गठबन्धनको औचित्य सकिएको घोषणा गरेर निस्किएपछि प्रधानमन्त्री निवास बालुवाटार परिसरमै माधवकुमार नेपाल, झलनाथ खनाल र प्रचण्डले केहीबेर मन्थन गरे ।
कांग्रेस सभापति शेरबहादुर देउवाले राष्ट्रपति र प्रधानमन्त्रीको बटमलाइन नछाडेपछि धोका दिएको भन्दै गठबन्धनको औचित्य सकिएको भनेर प्रचण्ड बैठकबाट बाहिरिएका थिए ।
बैठककक्ष बाहिर भएको मन्थनमा प्रचण्डले प्रस्ताव गरे, ‘देउवाले धोका दिए । अब केपी ओलीसँग तीनै जना बसेर छलफल गरौं ।’
माधव नेपालले नै बताएअनुसार उनी प्रचण्डको मध्यस्थतामा केपी ओलीसँग संवाद गर्न तयार भएका थिए । ओलीसँग छलफल गर्नुअघि एकीकृत समाजवादीको बैठक राख्ने, सहमति लिने र सँगसँगै रवि लामिछाने, राजेन्द्र लिङ्देन र उपेन्द्र यादवसँग पनि छलफल गर्ने योजनासहित नेपाल आइतवार दिउँसो एकीकृत समाजवादीको कार्यालयमा पुगेका थिए ।
माओवादी केन्द्रका अध्यक्ष भने केपी ओलीसँग संवादको वातावरण बनाउने भन्दै खुमलटार फर्किएका थिए । माधव नेपालले बताएअनुसार तीनकुनेस्थित आलोकनगरमा रहेको एकीकृत समाजवादीको पार्टी कार्यालयमा पुगेर नेपालले आफ्नो पार्टीको सचिवालय बैठक बोलाए । रवि लामिछाने, राजेन्द्र लिङ्देन र उपेन्द्र यादवलाई फोन गरे । रवि लामिछानेले आफू बालकोटमा केपी ओलीलाई भेट्न जान लागेको जानकारी दिए ।
त्यसबेला नेपाललाई लाग्यो, बालकोटमा केही विशेष बनेको छ । उनी प्रचण्डको फोन पर्खिएर बसे तर दिउँसो अबेरसम्म फोन आएन । सञ्चारमाध्यममा खबर आयो – प्रचण्ड बालकोटमा छन् ।
यो खबर सार्वजनिक हुँदै गर्दा माधव नेपाल मात्रै होइन, कांग्रेसका नेताहरूको पसिना छुट्यो । उनीहरूले माधव नेपालको सहयोग मागे । त्यतिबेला धेरै ढिलो भइसकेको थियो । माधव नेपाल आफैं अन्योलमा त थिए नै कांग्रेस र माओवादी दुवैले आफूलाई धोका दिएको निष्कर्ष उनको थियो ।
सरकार गठनका लागि छलफल गर्न बोलाएको सचिवालय बैठकबाट उनले बदलिएको राजनीतिक परिस्थितिमा ‘पर्ख र हेर’को नीतिमा रहने निर्णय गराए । केपी ओली र प्रचण्डले काँध मिलाएपछि माधव नेपाल अहिले दोधारमा छन् ।
प्रधानमन्त्री नियुक्त भएपछि प्रचण्डले माधव नेपाललाई सरकारमा सहभागी हुन पटक–पटक आग्रह गरेका छन् । माधव नेपालले स्पष्ट जवाफ दिइसकेका छैनन् तर केपी ओलीको रणनीतिमा सरकार बनेपछिका पछिल्ला २ दिनको राजनीतिक छलफल र भेटवार्ता माधव नेपाल केन्द्रित छ ।
मंगलवार नै नेकपा एकता राष्ट्रिय अभियानका संयोजक बामदेव गौतमले माधव नेपाललाई भेटेर प्रचण्ड नेतृत्वको सरकारमा सहभागी हुन आग्रह गरेका छन् ।
‘माधव नेपाललाई भेटेर सरकारमा सहभागी हुन सल्लाह दिएको छु । केपी ओली र प्रचण्डसँग पनि छलफल गर्नुहोस्, आफ्नो र झलनाथको लागि अहिले केही पनि नमाग्नुहोस् भनेको छु,’ गौतमले भने ।
मंगलवार साँझ नै एमालेका उपाध्यक्ष एवं अर्थमन्त्री विष्णु पौडेलले माधव नेपालसँग भेटेर संवाद गरेका छन् । नेपालका सम्धी सोमप्रसाद पाण्डेको घरमा उनीहरूको भेट भएको हो । भेटमा पनि एकीकृत समाजवादीलाई सरकारमा सहभागी हुन भनिएको स्रोतले जानकारी दिएको छ ।
एमाले र एकीकृत समाजवादीका नेताहरूको केही समयअघिदेखि निरन्तर कुराकानी भइरहेको छ । एकीकृत समाजवादीका एक नेता भन्छन्, ‘मुकुन्द न्यौपाने पार्टीमा अभिभावक जस्तो र बाहिर धेरै बोलिहाल्ने स्वभावको नभएका कारण एमाले नेताहरूले उहाँमार्फत संवाद अघि बढाएका छन् । धेरै कुरामा छलफल भएको बुझिन्छ । मुख्य कुरो माधव नेपाल र केपी ओलीबीचको सम्बन्ध कसरी सुधार्ने भन्ने टुंगो लाग्न बाँकी थियो ।’
बुधवार पनि एमाले र माओवादी केन्द्रका नेताहरूले पटक–पटक नेपालसँग भेटेर संवाद गरेका छन् । बुधवार बिहानै प्रधानमन्त्री प्रचण्ड र माधव नेपालले छलफल गरेका थिए । प्रचण्डले नेपाल र केपी ओलीबीच संवाद गराउने प्रयास गरिरहेको उनले बताए ।
केपी ओली र माधव नेपालको सम्बन्ध सुधार प्रयासमा लागेका एमालेका नेता सुवासचन्द्र नेम्वाङले पनि ओलीले नेपाललाई भेट्न चाहेको बताए । ‘माधव नेपालसँग हेलो गर्ने विषयमा अध्यक्ष सकारात्मक हुनुहुन्थ्यो तर पछिल्लो विकासक्रमबारे अपडेट छैन,’ नेम्वाङले भने ।
बुधवार नै एमाले नेता महेश बस्नेत माधव नेपाललाई भेट्न उनको निवास कोटेश्वर पुगेका थिए । भेटमा नेपाललाई एमालेमा फर्कन आग्रह गरेको बस्नेतले बताए ।
‘उहाँ छलफलका लागि सकारात्मक नै हुनुहुन्छ । बीचमा इग्नोर गरियो । सन्दर्भ सकिएको जस्तो व्यवहार गरियो भन्ने उहाँलाई लागेको रहेछ । मैले त एमालेमा फर्कनुहोस् भनेको छु,’ बस्नेतले भने । बिहीवारसम्ममा एमाले अध्यक्ष केपी शर्मा ओली र नेपालबीच संवाद हुनसक्ने बस्नेतले बताए ।
त्यसबाहेक माओवादी केन्द्रका वरिष्ठ उपाध्यक्ष, उपप्रधान एवं भौतिक योजना तथा यातायात व्यवस्थामन्त्री नारायणकाजी श्रेष्ठले पनि बुधवार नै नेपालको निवास कोटेश्वर पुगेर भेटवार्ता गरेका छन् । उनले पनि एकीकृत समाजवादीलाई सरकारमा सहभागी हुन भनेका थिए ।
यी सबै भेटवार्तामा माधव नेपालले भने स्पष्ट दृष्टिकोण दिएका छैनन् । उनलाई भेटेका सबैजसो नेताले नेपाल अझै दोधारमा रहेको अर्थमा बुझेका छन् ।
यसका बाबजुद नेपालले सरकारमा सहभागी हुने वा नहुनेबारे सुझाव लिन पार्टीको भर्चुअल बैठक राखेका छन् । बैठकमा पार्टीका केन्द्रीय सदस्यदेखि जिल्ला अध्यक्षसम्मको सहभागिता छ ।
‘जुनसुकै निर्णय गरे पनि बैठक राखेर मात्रै निर्णय गर्न अध्यक्षलाई भनेका छौं । बैठकभन्दा बाहिरबाट निर्णय हुनुहुँदैन,’ एकीकृत समाजवादीका स्थायी कमिटी सदस्य विरोध खतिवडाले भने ।
वामदेव गौतमले भने एमालेसँग एकताको लागि तयार हुन नेपाललाई सुझाव दिएको बताए । ‘एकताका लागि तयार हुनुहोस् भनेको छु । उहाँले मलाई नै पार्टीमा आउनुहोस् भन्नुभएको छ । पार्टीलाई एकताबद्ध बनाऔं, त्यसपछि अघि बढौंला भन्नुभएको छ,’ गौतमले भने ।
तर माधव नेपाल आफैंले आगामी राजनीतिक बाटोबारे स्पष्ट धारणा सार्वजनिक गरिसकेका छैनन् ।
एकीकृत समाजवादीका प्रवक्ता जगन्नाथ खतिवडा भन्छन्, ‘सरकारमा जाने, फ्लोरबाट समर्थन गर्ने वा प्रतिपक्षमा बसेर पार्टी विस्तारमा लाग्ने भन्ने पार्टीको बैठकमा छलफल गरेर टुंगोमा पुग्छौं ।’
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...